Lukas 5:1 - ALLAH ANE WENW KET MEKE WAROGO WOKNINAKHIKHE WENE

¹ Iniki ageikhe baga, at Yesus i Genesaret yekelekma etoma metek werekma, akhuni motok doalegat Allah ane inasuk holuogoluk oba dapuk kirlik-kerlekhogon natogosi lagoukha.

Lukas 5:1 Iomraidhean Croise

Matius 11:12

At Yohanes ima usa'isekhe laga iti hurli nen yogotak ya hurli, it inobabut weak inakla aga weak meke nen, nopase pogot oba meke apma 'bisekherek etnogo ina'it nen erlok degetduogoluk inobatnerogo walhiliogei.

Matius 14:34

Itithogon hagatluk, etoma nen ku warogo itali aga lagoukhasik nen, o Genesaret eta mot-mot asi agoukha.

Markus 3:9

Itithogon natogosi agoukhama, inebe doalegat u hano hagarinakhunem, it u inoba werek meke tha'bokhogonat nen, akhuni aperek higirisigik-hearisigik Yesus iniki hakhauwogoluk oba ukekhe lagoukha iti nen, at Yesus nen, at agarumi ane waganhe lagoukha meke emenogo men yogeisasikhe, “Akhuni doalegatma an nalilu kirlik-kerlek asisunogo nen, ku 'bugurlagat meke ageikhe an nobasik 'baniluk dogoni o,” iluk yogeisasikhe.

Markus 4:1

Yabokane, at Yesus i Galilea yekelek etnogo aik oba dogolik wene yakulisekhe lageikhe. Yakulisugunem akhuni inebe doalegat at oba natogosi agoukhama, it inebe i aik oba 'bisalok, at ebe ima ku baga hureklasi ukisikhe.

Markus 5:24

Itithogon yogokhikhemo ipisak lagoukha. Lagunem akhuni motok doalegat Yesus oporlik laga dogolik kerlek-kerlek Yesus oba ageikhe nen hokokhogon la'igik hagarik lagoukha.

Markus 6:53

Itithogon hagakhukhama, at Yesus lak o Genesaret, i yekelek etnogo aik ilibaganke itali agoukhasik nen, ku etnogo hol o tilogo 'bisukha.

Lukas 12:1

Wene itithogon isi korlek, akhuni motok doalek-harluadek natogosi agoukhama, inebe motok kirlik-kerlekhogon nen, it aperek nen it aperek inisok ukut nen al debelogo 'bilik lagoukha. Itithogon hagakhe lagoukhama, at Yesus nen at agarumi ane waganhe lagoukha meke emenogo wene men tak yogeisasikhe, “Ap Farisi meke inobabut he, eken roti hisuagaluk, akla usakharek meke iti hakene dogolik, inoado baga anek hano thalek, inetaiken pere iti nen, weagathinabinogo iluk, hinobabut hebelogo dogono.

Lukas 5:2

Natogosi laga korlek, it ap ikan waganhe lagoukha meke aperek ku pere eranogo i aik oba 'biluk, su yoge su ikan waganhe lagoukha meke etnogo thobalhunem ileken isasikhe.

Lukas 8:22

Iniki ageikhe baga, at Yesus ebe inom, agarumi ane waganhe lagoukha meke emenogo inom, ku akla ukisukhasik nen, men yogeisasikhe, “I aik ilibaganke ita luok,” iluk yogeisasikhesik italhukha.

Lukas 8:23

Italhe dogolik nen, at Yesus noge isikhe. Noge isi korlek, hisakne kogat hubetha ageikhemo, i hoklabu doalegat waga dogolik, i tiakhogon ku akla ukisikhemo, ku etnogo wurladakhogon usagaluk hagakhikhe.

Lukas 8:33

it mokat inobabut weak meke emenogo, ap etnogo akla nen dukhi lagoukhasik, wam emenogo inakla ukhatlasi lagoukhama, motogat i kat oba lumhogo, i kok yekelekma usa lagoukha.

Lukas 8:45

Iki itithogon hakhasikhemo, at Yesus nen, men isikhe, “Tha nen iki hakneekhe,” iluk isikhemo it akhuni doalegat emenogo inebe tha'bokhogonat nen, “An dek o,” iluk isukhama, at Petrus nen, “Noe! Akhuni motok doalegat ageikhe nen herlekhogon la'igik, ageikhe nen herlekhogon la'igik, waga dogolik nogo nen, hat hoba dikhogonat wageikha o,” iluk yogokhikhe.

Yohanes 1:40

Nen, it ap inebe pere Yohanes ane isinem inasuk holhukhasik, Yesus oporlik lagoukha meke eta ap ageikhe etaga Andreas, Simon Petrus etnogo agot.

Yohanes 6:1

Itithogon yogeisekhe lageikhesik yabokane, at Yesus i yekelek Galilea, etaga ageikhe Tiberias egarek iti, aik ilibaganke italhikhe.

Ibrani 13:7

Hinougi alebat thethisik welagoukha meke nen, Allah ane yokhisasukha meke iti, inoba eberek dogono o. It inetaiken Allah oba hakotdiluk, inebe iniluk dogolik inom, watlasuogoluk inom, hagakhe lagoukha meke hutdiluk, hit it inobabut waganogo hinetaiken Allah oba hakotdiluk dogono o.