Lukas 4:8 - ALLAH ANE WENW KET MEKE WAROGO WOKNINAKHIKHE WENE

⁸ at Yesus nen, men yogokhikhe, “Allah nen ekhe dogolik, Hit nen, hinopase Allah Netagapogot anat hinitibagal yukukhogon napma ukitluk hogotnakhe dogolik, an nobasik anek hagakhe dogono o, iluk isikhemo holal waganogo 'bisukhama werek o,” iluk, itithogon yogokhikhemo,

Lukas 4:8 Iomraidhean Croise

Matius 16:23

Asuk wakhikhemo, at Yesus elokhe dagakhogon Petrus men yogokhikhe, “Hat Iblis higi. Allah akla apekherek tak-tak ebekhidek, akhuni nen apegarek tak-tagat ebetdiluk nelokhe palhe lagan yi, nelokhoma yoma dogogun. Horla lan o,” iluk yogokhikhe.

Matius 4:10

at Yesus nen, “Hat Iblis yi horla lan o. Allah nen ekhe dogolik, Hit nen, hinopase Allah Netagapogot anat hinitibagal yukukhogon napma ukitluk hogotnakhe dogolik, an nobasik anek hagakhe dogono o, iluk isikhemo holal waganogo 'bisukhama werek o,” iluk yogokhikhe.

Lukas 4:4

at Yesus nen, men yogokhikhe, “Allah nen, Akhuni hipiri anek neke dogolik, iniluk motok welageikharek dek o, iluk isikhemo holal waganogo 'bisukhama werek o,” iluk yogokhikhe.

Lukas 4:7

hat hitibagal yukukhogon napma ukitluk hogotnabigin halok he, tha'bokhogonat hat ite dogonogoluk wokhesigin o,” iluk yogokhikhemo,

Yakobus 4:7

Iti nen he, Allah apma hinetaiken thebekhogon ukiluk ane holek dogolik, Iblis ane iti thagalogo here'isekhe dogono. Here'isaumo, at nen here'inageiluk lo liginat o.

1 Petrus 5:9

Itithogon dogolik, hinakla nen, “Ninagarlak lak ninerugi o yi ai ti ai agat oba yoma inebe tha'bokhogonat yi aik ti aik hiliogei hagat, hekhe lago,” iluk, at Iblis wagunem, ane holhidek here'isalok hinetaiken Allah oba hakotdiluk hinobatnerogon metek dogono o.

A'bikaka 19:10

Itithogon yoknekhe lagama, an nen at malaikat etnogo apma ukiluk nitibagal yukukhogon hogorasigiluk hagakhi mekeat he, at nen yoknekhe dogolik, “Dek. Dek. Itithogon hogotnabusak dek o. An nebe hat inom, hagarlak lak inom, ninom tak-tagat o. Wene Yesus nen yoknisasikhe meke yogeisilik nekharek meke iti, at Allah Agoreke nen inakla kagalogo yogeisugunem yogeisegarek iti, wene erlo at Yesus nen yoknisasikhe itiat o. Halok he, at Allah at hogorasusak o,” iluk yoknekhe.

A'bikaka 22:9

Itithogon mekeat he, at nen men yoknekhe, “A! An itithogon hogotnabusak dek o. An nebe, hat men, hagarlak lak aperek at Allah ane yogeisegarek meke men, it aperek inebe tha'bokhogonat wene holal waganek yi inasuk hologo mothogon hagakhe dogogun meke men, ninom tak-tak, ninebe at Allah atuaneke anekma, hetaiken at Allah oba hakotdiluk, at anek hogorasusak o,” iluk yoknekhe.