Lukas 4:5 - ALLAH ANE WENW KET MEKE WAROGO WOKNINAKHIKHE WENE

⁵ Itithogon yogokhikhemo, yabokane Iblis nen Yesus wolok, tom upu baga 'bi dageisikhesik etoma nen o agat oba yi ai ti ai koktek inetagapogot welageikharek obake tha'bokhogonat yegekhogon winametdiluk opaki hasik ileken lakhoagaluk yakulikhikhe.

Lukas 4:5 Iomraidhean Croise

Matius 24:14

Nen, Allah nen apma 'bisagein meke hano wene yi, yi akhuni ti akhuni motok inilu asuagaluk o yi ai ti ai yogeisilik lagap halok he, o ilugun hurli baga arat hagatlasigin o,” iluk yogeisasikhe.

Matius 4:8

Itithogon yogokhikhemo, yabokane at Iblis nen Yesus wolok tom kok uanat meke ukul oba dageiluk, o agat oba yi ai ti ai ap koktek inetagapogot nen hagasik welageikharek obake dopok tha'bokhogonat, yi meke ti meke doalegat werekma ileken lakhoagaluk yakulekhe dogolik,

1 Korintus 15:52

Opaki hasik, inilaga dapok iluk 'bekelageikharek hak, pikon ane o ilugun kobokhogon hukhagein o. Itithogon hukhasinem, akhuni watlagoukha meke inebe hirli ageidek ikhok motok dogogin meke agouwak hagarogo inilugurinabiluk nen, nit tha'bokhogonat ninebe ninat hagatninabigin o.

1 Korintus 7:31

Nen,it aperek agat oba yi meke ti meke horlegarek meke iti, horligidek meke negen dogoak. Itithogon igi iti, yi meke ti meke agat oba welagarek meke tha'bokhogonat arat dek arigoo iti nen igi o.

2 Korintus 4:17

Nit yogotak, yi aik ti aik hagatninabiogei iti, elanma hasik herlekha'bugat negen o. Meke re, itithogonat hagatninabiogei iti baga, yabokane hogorakharek meke ikhok motok dogogin meke motok kogat ite asugun o.

Efesus 2:2

Etanem he, akhuni yoma inobabut inikhogat dogolik hagakharek hagat, mutluk laga lagagip. Itithogon mutluk laga dogolik, mokat inobabut weak meke inoe kok pogot abel wemake yoma iteerek dogolik, akhuni Allah ane ina'it nen inasuk holu'buk meke inakla ukisikhesik yogotak inakla kagalhoat welagarek meke etnogo ane holek welagagip iti o.

Efesus 6:12

Nit wim negen yakhe lago iti, akhuni meke ninom yakhe lago 'buk. Dek o. At he, kok meke, inane werek meke, o mummo agat oba yoma hagasik welageikharek meke, mokat inobabut weak meke pogot oba hogolkerlek agat oba hogolkerlek werekma ninom yakhe lago.