Lukas 4:36 - ALLAH ANE WENW KET MEKE WAROGO WOKNINAKHIKHE WENE

³⁶ Itithogon dukhisinem akhuni doalegat emenogo inayuk agoukhasik, it-it ekhe dogolik, men isukha, “At ane ekhe iti nikithogon. At nen mokat inobabut weak meke, Dukhi lani, iluk usagat iti iteerek dogolik, ane obatnerogon wenageisugunem dukhegarek iti nayuk o,” iluk hogorakhukha.

Lukas 4:36 Iomraidhean Croise

Matius 9:33

Wolok wagoukhama, at Yesus nen mokat obabut weak meke ap etnogo akla ukiluk werekma mukhogo ula'isikhemo, ap etnogo ane huak iluk nen, wenekak isikhe. Itithogon hano hagakhikhemo, it akhuni inebe doalegat welagoukha meke nen Yesus hogorakhe dogolik, men isukha, “Yigithogon hagakhunem nit akhuni Israel meke nen ageikhe ninileken hogorek dek meke nayuk,” iluk hogorakhukha.

Markus 1:27

Dukhisikhemo, it akhuni emenogo it-it men isukha, “Eiye! Yi nikithogon hagakhe. Wene iti, ket ninat wene iteerek nen yakulnisiliogo higi. At nen ane hakhugunem, mokat inobabut weak meke inasuk holiogei iti nayuk!” iluk hogorakhukha.

Markus 7:37

Itithogon yogeisugunem it nen kokhogon hogorakhe dogolik, men ekhe lagoukha, “At nen, yi meke ti meke hano anek hagakhe dogolik, akhuni hagarinakhunem inasuk dogou meke huak iluk inasuk holhik, inane dek meke inane hano igik, hagariogo iti nayuk o!” iluk motok hogorakhukha.

Lukas 2:18

Itithogon yogeisasukhama, it akhuni etoma inasuk holhukha meke tha'bokhogonat nen, men isukha, “Eiya! Nayuk o,” iluk hogorakhukha.

Lukas 4:32

Yakulisekhe dogolik wene ebe iteerek meke nen egarek hak isinem, it emenogo nen, “Nayuk o!” iluk hogorakhe lagoukha.

1 Petrus 3:22

At ebe iluk ageikhesik nen, pogot oba dageisikhesik, Allah iki ebeke kok dogolik, malaikat Allah nen yoko usa'isa agarek meke emenogo men, inougi koktek meke men, inobatneak meke men, hagasik welagarek o.