Lukas 4:32 - ALLAH ANE WENW KET MEKE WAROGO WOKNINAKHIKHE WENE

³² Yakulisekhe dogolik wene ebe iteerek meke nen egarek hak isinem, it emenogo nen, “Nayuk o!” iluk hogorakhe lagoukha.

Lukas 4:32 Iomraidhean Croise

Markus 1:22

Yakulisugunem, it akhuni emenogo nen men isukha, “Ap Allah ane holal waganek iteerek meke nen yakulnisegarek hak iliogo dek o. At he, wene ebe iteerek dogolik yakulisegarek hak yakulnisiliogo iti nayuk o,” iluk hogorakhukha.

Lukas 2:47

Itithogon hagakhe dogolik, it nen hinok waganhunem, at wene motok ilu dogolik oko yogeisasikhemo iti nen, it ap natogorlek welagoukha meke emenogo tha'bokhogonat ane inasuk holhukhasik, “Nayuk e!” iluk hogorakhukha.

Lukas 4:33

O sembayan egarekma emenogo werekma, ap ageikhe mokat obabut weak meke akla ukisikhemo dogolik, ane kokhogon men yogokhikhe,

Lukas 4:36

Itithogon dukhisinem akhuni doalegat emenogo inayuk agoukhasik, it-it ekhe dogolik, men isukha, “At ane ekhe iti nikithogon. At nen mokat inobabut weak meke, Dukhi lani, iluk usagat iti iteerek dogolik, ane obatnerogon wenageisugunem dukhegarek iti nayuk o,” iluk hogorakhukha.

Yohanes 6:63

Allah Agoreke nen akhuni inilugurinakherek o. Nen, akhuni agat oba meke inobatne baga ageikhe hagasusak erlok dek o. Meke re, wene an nen yokhisekhe lagei iti, Allah Agoreke nenat ekherek meke nogo nen he, akhuni inilugurinakherek wene yokhisekhe lagei o.

Yohanes 7:46

it nen men yogeisasukha, “Eiye! Wene at nen iliogo iti hak, it ap aperek nen wene itithogon isinem hisogorek dek mekeat he, at nen wene ninat iliogo iti nen ebe thogotdogo,” iluk yogeisasukhama

2 Korintus 4:2

Nit he, akhuni nen yi meke ti meke limago weak hagakharethek inekarli agarek iti meke here'isasugu. Itithogon here'isalok, akhuni nukhetdisigik, Allah ane wene ageikhe meke oba lapelogo yogeisigik, hagakhorek dek. Akhuni yoma inakla tomok nen hutdinoagaluk, wene ebe wene Allah iloba thelekmaat yogeisilik nekhe lago.

1 Tesalonika 1:5

Nit hano wene wolok yokhisa agagu etnogo, ninane baga anek yokhisekhe lagagu 'buk. Allah Agoreke etnogo ninakla dogolik, obatnerogo yomaknisekho korlek, ninakla nen, “Wene yi eberogonat,” iluk ninetaikenma hutdisugusik nenat yokhisekhe lagagu iti o. Nit o etoma ninom dogolik, hit hinobasigat hagakhe lagagu etnogo hit hiniluat o.

Titus 2:15

Hat nen wene itiat yakulisugunem, it aperek inakla nen erlok dek dageinogo, hane obatnerogonat inakla kagalogo inasuk wakhe dogono.