Lukas 4:25 - ALLAH ANE WENW KET MEKE WAROGO WOKNINAKHIKHE WENE

²⁵ Nen, ap Elia welageikhe eta mot-mot he, miso usa'ageidek 3 tahun ageikhesik, yabokane dagakhogon thut 6 bulan holelhikhemo o etoma yi ai ti ai hipiri motok no ageikhe. Eta mot-mot, akhuni Israel meke werekma humi thoge doalegat welagoukha meke re,

Lukas 4:25 Iomraidhean Croise

Matius 20:15

an nekaerek nameke mekeat halok he, an netaiken nenat usak. Itithogon erlok dek apegen a? An niki kogat wogeisigi iti nen hat ua palhe lagan a? iluk yogokhikhe.

Lukas 10:21

Itithogon yogeisasikhesik itinemat, Allah Agoreke Yesus akla werekma nogo nen, akla arleken akhekhe dogolik, opase Allah men yogokhikhe, “Allah nopase. Pogot agat iteerek harat o. Wene tha'bokhogonat iti, it akhuni inakla kagalek meke men, yi wene ti wene inilu meke men, inilu asunogo iluk lima'iluk nen, it inobabut yekerugi ket itago meke hakene anek, pakhogon yogeisegen iti, hat hakla warlok apegen mekeat yogeisegen iti nen heagei wathakhe lagei, nopase!” iluk yogokhikhe.

Roma 9:15

At nen Musa men yogokhikhe, “An nenat nakmu meke halok nakmurinakhik, netaiken meke halok netaiken ageik, hagasigin o,” iluk yogokhikhe.

Roma 9:20

Eiye! Nagot yi. At Allah ane isinem, hat hane oko dagakhogon yogosusak nogo? Erlok dek o. Akhuni nen isoak agat ka'bok meke hagakhunem he, agat ka'bok iti nen, at hagakhe werek iti yogokhe dogolik, “Hat nen an yigithogon nenaluk hagatnakhen,” iluk yogosusak nogo? Erlok dek o.

Efesus 1:11

At Allah nen, “Yigithogon hagatlasuak, tigithogon hagatlasuak,” iluk akla apekherek tak-tagat yi meke ti meke tha'bokhogonat hagakhunem hagatlagarek iti nen, “It inebe an nekaerek na'buri asuak,” iluk wenago 'binanhikhemo, iteerek agagu iti o.

Efesus 1:9

At ekaerek itithogon hagatninabu warlok nen, “Itithogon hagarinabigin iti ebe at Kristus nen hagarinabuak,” iluk, wene at akla apasikhe meke limago welageikhesik thelekmaat yoknisasikhe iti o.

Yakobus 5:17

At Elia iti, ebe nit hakene akhuni meke nenat, miso wageidek dogoagaluk sembayan isikhemo, mo dageigik, usigik hagakhe korlek 3 tahun welageikhesik, yabokane thut 6 oba inobat miso agat oba usa'ageidek motok hugat welageikhe.

A'bikaka 11:6

Nen, it nen Allah ane yogeisekhe dogolik, “Pogot oba nen miso usasusak dek o,” iluk erlogat tha'bit wakhik, i tha'bokhogonat mep asuagaluk erlogat hagakhik, nen inakla warlok apagun oba, “Akhuni agat oba meke yi u ti u inoba 'buok,” iluk erlogat u erlo inoba 'bisigik, hagakhe dogoagaluk, Allah nen iteerek 'bisekhemo itithogonat hagasugun hisigi o.