Lukas 4:23 - ALLAH ANE WENW KET MEKE WAROGO WOKNINAKHIKHE WENE

²³ Itithogon hogorakhukhama, at Yesus nen, men yogeisasikhe, “Akhuni nen hibiku-yogokuat ekhe dogolik, Hat hebe ap dokter hakene ethoma re, hoba u iti hekaerek nen hagaran o, iluk egarek meke, hit nen dagakhogon an yoknesugun higi. Itithogon yoknetluk, O Kapernaum hagakhe lagan meke holhe lago iti hak, yogotak hekaerek hai yoma itithogonat ageikhe hagasin o, iluk, yoknesuogoluk ekhe lagap higi,” iluk itithogon yogeisasikhesik nen, ageikhe men yogeisasikhe,

Lukas 4:23 Iomraidhean Croise

Matius 13:54

at ekaerek aila erloma lageikhesik, o akhuni Yahudi meke sembayan egarekma ukiluk wene yakulisugunem, it akhuni inasuk holhukha meke nen, men isukha, “Eiye! Nayuk e. Ap yi akla motok kagalek iti, wene ka nen yakulhesik waga. Nen, yi meke ti meke elalinat hagarik liliogo iti, koma nen yakulhesik hagarik liliogo.

Matius 4:13

Dagei ageikhesik, o ukul Nazaret etnogo thogotdiluk nen, o ukul Kapernaum i Galilea yekelek aik obake etoma, it ap inukuloak etaga Zebulon meke inom, Naftali meke inom, inaila etoma dogeigiluk dagei ageikhe.

Matius 4:23

Lagoukhama, at Yesus o Galilea eloke o tomok etoma nekhe dogolik, akhuni Yahudi meke sembayan egarekma ukisikhesik, wene hano wene yabokane ninopase Etagapogot apma 'binanigin etnogo wene yogeisigik, yi u ti u hano hagarinakhik, hagakhe lageikhe.

Markus 6:1

Yabokane, at Yesus o etoma nen dukhisikhesik, ekaerek ai erloma lageikhe. Lagunem, agarumi ane waganhe lagoukha meke emenogo oporlik lagoukha.

Lukas 2:39

Ninopase Etagapogot nen ninasuk wakhikhe meke holal waganhukha etnogo tak-tagat Yesus agosa opase itithogonat arat hagakhukhasik nen, inaila i Galilea ima o ukul etaga Nazaret etnogo dagei agoukha.

Lukas 2:51

Itithogon iluk, at Yesus agosa opase inom o Nazaret dagei agoukhasik dogolik, at agosa opase inane hanorogon hologo hagakhe lageikhe. Nen, agosa nen, wene emenogo tha'bokhogon etaikenma waganhikhesik eberek motok welageikhe.

Lukas 4:16

Itithogon hogorakhe korlek, at Yesus o Nazaret ebe arlue ageikhe baga lageikhe. Lageikhesik, at hagakhe lageikhe hagat, iniki 7 baga Allah hasik werlegat dogolik, sembayan uogoluk o akhuni Yahudi meke sembayan egarekma ukisikhesik, Allah ane holal waganek meke etaga thalhe dogolik yakulisagaluk melageikhe.

Lukas 4:31

Inakerleklake nen lelokhogon dukhisikhesik o Galilea eloke ukul etaga Kapernaum lageikhe. Lageikhesik, iniki 7 baga Allah hasik werlegat dogolik, wene yakulisekhe lageikhe.

Lukas 4:35

at Yesus nen wenagakhe dogolik, “Hane. Ap yi akla nen dukhi lan o,” iluk yogokhikhemo mokat obabut weak meke etnogo nen ap etnogo ebe tunhogo akhuni doalek etnogo inakerlekla la'isalok nen, ap ebe weagatdigidek dukhisikhe.

Lukas 6:42

Hinekaerek hinilekenma o kok meke palek harokthek werek iti higidek dogoligat, hinagarlak lak hinerugi iti yogeisekhe dogolik, Amumuleke hilekenma ukekhe meke iti wokheak o, iluk usak apegep? Hinoado baga anek hano thalek hinetaiken pere welagap yi re! Hinekaerek hinilekenma o palek kok meke harokthek werek iti tak wokhakhalok nen, hinileken arat 'bekelaga halok he, yabokane hinagarlak lak hinerugi inilekenma amumuleke werek meke iti, erlok wokhageinat o,” iluk yogeisasikhe.

Yohanes 4:28

Itithogon yogeisigidek werek korlek, at he etnogo ageisoak etoma here'isalok, pirlirli o ukul kokma ukisikhesik akhuni etoma meke wene men iluk yogeisilik nekhe lageikhe,

2 Korintus 5:16

Itithogon nit nen hurli yogotak ya hurli nen, akhuni nen inobabut palharek hak, it akhuni aperek inobabut itithogon palhe lago dek o. Nen, alebageik Kristus obabut itithogon palhugu hak, yabokane itithogon palhe lago dek o.