Lukas 4:14 - ALLAH ANE WENW KET MEKE WAROGO WOKNINAKHIKHE WENE

¹⁴ At Iblis etnogo arat lageikhemo nen, at Yesus Allah Agoreke obatnerogon akla werek korlek, apuke o Galilea eloke dagei ageikhe. Dagei ageikhemo, at abok aliluke o etoma motok thak-pak isikhe.

Lukas 4:14 Iomraidhean Croise

Matius 4:12

“At Yohanes etnogo iki herle wakhama,” iluk isukhama, at Yesus asuk holhikhesik nen, o Galilea eloke dagei ageikhe.

Matius 9:26

Itithogon hagakhikhemo, “Yesus nen hagakhe o,” iluk, o yi ai ti ai etoma abok motok thak-pak isikhe.

Matius 9:31

Itithogon yogeisasikhe mekeat he, it akhuni emenogo nen o etoma at abok motok yogeisilik nekhe lagoukha.

Markus 1:14

Yabokane Yohanes etnogo iki herle wakhukhasikmo, at Yesus o Galilea eloke dagei ageikhesik nen, Allah ane hano wene etnogo yogeisilik nekhe lageikhe.

Markus 1:28

Itithogon hogorakhukhama, at Yesus abok o Galilea eloke o ya ta etoma ibat thak-pakhogon hagatlageikhe.

Lukas 4:13

Itithogon yogokhikhemo, at Iblis nen Yesus obabut paligiluk yi walhigik, ti walhigik, walhalok erlok dek ageikhemo nen, yabokane walhugunem erlok asigin he a, iluk, elanma thogotdiluk horla lageikhe.

Lukas 4:37

Itithogon hogorakhukhasik, at Yesus abok o ya ta etoma motok thak-pakhogon hagatlageikhe.

Yohanes 4:43

At Yesus iki pere etoma inom welagoukhasik nen, o Galilea arat dagei ageikhe.

La'isasikhe 10:37

Wene ebe hagatlageikhe iti, at Yohanes nen ima usa'inakhe dogolik, wene ima usa'inakharek wene iti yogeisekhe lageikhesikmo nen, at Yesus ai Nazaret meke iti, Allah nen Agoreke oba usa'i ageik, obatne wogokhik, hagakhikhesik, ipisak welageikhe iti nen, alebageik o Galilea eloke etoma nen, o akhuni Yahudi meke inai yi ai ti ai etoma laga dogolik, yi meke ti meke hanorogo hagakhik, it aperek Iblis nen a'bethogon hagasik welageikhe meke hano hagarinakhik, hagarik nekhe lageikhe iti hiniluat o.