Lukas 3:8 - ALLAH ANE WENW KET MEKE WAROGO WOKNINAKHIKHE WENE

⁸ Halok he, hinakla ebetdiluk, weak hagakhe lagap meke here'isalok hinobabut eberogonat hebelaga iluk ekagat asuak nen mothogon hagakhe dogono o. Nen, hinakla nen, Abraham iti nit ninopase, iluk apugup o. At Allah nen Abraham a'buri negen hagatlasuagaluk helekit yi meke erlok hagasusagat o, iluk yokhisigi iti.

Lukas 3:8 Iomraidhean Croise

Matius 21:43

Hit he, Allah nen apma 'binagousak welagagip mekeat he, apma 'binagagin dek o. Hit hinobolukmo, o eken hano meke isu hak, it akhuni inukuloak etaga ninat meke nen, Allah akla apekherek meke mothogon hagakhe dogogun meke halok 'bisagein o. [

Matius 3:8

Halok he, hinakla ebetdiluk, weak hagakhe lagap meke here'isalok, hinobabut eberogonat hebelaga iluk ekagat asuak nen mothogon hagakhe dogono o.

Matius 3:9

Nen, hinakla nen, Abraham iti nit ninopase iluk, apugup o. At Allah nen Abraham a'buri negen helekit yi meke erlok hagasusak o.

Lukas 13:25

Nen, o etoma ap ai iteerek meke iti melatluk, thu tetnokhogon lakhe dogoumo nen, hit itikman metek dogolik, thu puputhekhe dogolik, Noe! Thu hualnisan, iluk yogosugun meke re, at nen, Hit hinebe an nokodek o. Koma nen wagap, iluk yokhisugunem,

Lukas 13:26

hit nen yogokhe dogolik, Ninai ukul dopok nekhe dogolik, hipiri ninom isago nikik, i nikik, wene yakulnisigik, hagakhe lagagin meke etnogo, iluk yogosugun mekeat,

Lukas 19:40

at Yesus nen, men yogesasikhe, “Nane eberogonat yokhisak. It akhuni yi inane igidek kamotdilepma re, helekit yoma inane amitmit suphogon ilebat o,” iluk yogeisasikhe.

Lukas 19:9

Itithogon yogokhikhemo at Yesus nen, “Hat hebe Abraham nen itago meke nogo nen, yogotak yiat hat ha'buri hinomat Allah nen tilhinakhemo o!

Lukas 5:21

Itithogon yogokhikhemo, it ap Allah ane holal waganek iteerek meke inom, it ap Farisi meke inom, inakla nen, “Nit akhuni weak hagakhe lago meke iti, it akhuni aperek nen thagalogo degetdisausak nogo? At Allah arligat nen erlok thagalogo degetdisekherek mekeat he, at yi nen Allah akla meanetdiluk etaga weagatdiliogo yi tha apegep,” iluk inakla apasukha.

Yohanes 8:33

it nen he, men yogokhukha, “Nit he, ap Abraham nen itago meke yoma, ninebe akhuni aperek nen thebelogo 'binaniluk inatuaneke ageidek meke anek welago mekeat he, hat nen ekhe dogolik, Hinebe herle hisalogo hinasokne 'binagagin o, iluk egen iti hakla nikithogon apegetik nen egen?” iluk yogokhukhama,

Yohanes 8:39

Itithogon yogeisekhe lageikhemo, it nen, “A! Nit ninopase Abraham at ha yoma re,” iluk isukhama, at Yesus nen he, men yogeisasikhe, “Hit hinebe Abraham nen itago meke eberogonat dogolepma, Abraham hagakhe lageikhe mekeat hagakhe dogolep o.

La'isasikhe 26:20

Wene iti, ebekeram it akhuni Yahudi meke o Damsyik etoma welagoukha meke yogeisasigi. Yabokane o Yerusalem lalok dogolik, it etoma meke yogeisigik, o propinsi Yudea meke tha'bokhogonat yogeisigik, hagakhigisik, it itikmanke meke yogeisilik nekhe lagei. Itithogon yogeisilik nekhe dogolik, Weak hagakhe lagap meke here'isalok hinobabut hebelogo hinelokhe Allah wogotno o. Hinelokhe Allah wogotluk nen, hinobabut akhuni inobabut hebelatluk hagakharek hagat, hagakhe dogono o, iluk yogeisekhe lagei iti.

Roma 4:16

Halok he, Allah obabut hano nen werlegat woknisekherek, iluk uagaluk nen, ninetaiken at oba hakotdisinem abok isikhe meke iti, woknisekherek iti. Nit at nen itago meke wene Allah nen ninasuk wakhikhe wene iti hologo mothogon hagakhe dogolik, ninetaiken Allah oba hakotdogorek meke anek woknisekherek 'buk. Abraham it aperek ninom tha'bokhogonat ninopasema re, it iti at Abraham etaiken Allah oba hakotdisikhe iti hak, inetaiken Allah oba hakotdegarek meke wogeisegaregat o.

Roma 9:7

At Allah nen wene Abraham men yogokhikhe, “An nen Ishak nen itago meke anek hat ha'buri iluk ekhe dogogin o,” iluk yogokhikhe iti nen, Abraham nen itago meke tha'bokhogonat nen, Allah a'buri usak 'buk. Dek o.

Filipi 1:11

Yi meke ti meke ai yakhunem erlo kok atluk eken ikherek hak, at Yesus Kristus nen hagathinakhe dogogin oba, hinobabut mothogon hagakho motok aperek inomat obarluk hagakhe dogogun halok, at ebe wagunem, akhuni aperek nen Allah heagei wakhik, hogorakhik, hagasugun o.