Lukas 3:2 - ALLAH ANE WENW KET MEKE WAROGO WOKNINAKHIKHE WENE

² Inougi koktek pemerintah hasik it eta werek korlek, Allah hasik, ap Hanas Kayafas ipisak Allah iteerek meke inougi kok welagoukha. Itithogon werek korlek, ap Zakharia a'but Yohanes etnogo o limo akhuni dekma etoma werekma, Allah nen wene ageikhe yogokhikhe.

Lukas 3:2 Iomraidhean Croise

Matius 11:7

Itithogon isikhemo, it Yohanes agarumi emenogo lagoukhama, at Yesus nen akhuni doalegat emenogo Yohanes abok men yogeisasikhe, “Hit he, o limo akhuni dekma etoma nena meke hinileken huogoluk laga lagasip nogo? Hiteka yagareka hisakne nen huphogon lageik-wageik hagakho werekma 'bikha luogoluk laga lagasip a?

Matius 26:3

Itinem, it ap Allah iteerek meke inougi koktek meke inom, it ap inarluetek emenogo inom, at ap Allah iteerek meke inoe kok etaga Kayafas etnogo aila natogotdiluk nen,

Markus 1:2

Wene iti, erlo baga, at Yesaya Allah ane yogeisekhe lageikhe meke etnogo nen holal waganogo 'bisikhe hagat hagatlageikhe. Itithogon holal waganhe dogolik men isikhe, “At Allah nen he, Hat yabokane lanogoluk, ap ageikhe hat hagolak ya'agekhe dogoagaluk ayoko 'biluk alep la'igima o.

Lukas 1:80

Nen, at a'but etnogo ebe arlue atluk etaiken motok horle ageikhesik, akhuni Israel meke aban inoba lageidek dogolik, o limo akhuni motok dekma etoma welageikhe.

Yohanes 1:23

Itithogon yogokhukhama, at Yohanes nen, men yogeisasikhe, “Ap Yesaya Allah ane yogeisekhe lageikhe meke etnogo nen, men isikhe, Ap ageikhe o limo akhuni dekma etoma ane, kokhogon ekhe dogolik, Ninoe Etagapogot wisiginke holak mothogon yakhe dogoni o, iluk ekhe dogogin, iluk isikhemo holal waganek werek etnogo re, nebe anat o,” iluk yogeisasikhe.

Yohanes 18:24

yabokane at Hanas nen, at Yesus iki herle warogoat, ap Kayafas ebe ap Allah iteerek meke inoe kok meke etnogo oba wolok loagaluk la'isikhe.