Lukas 24:51 - ALLAH ANE WENW KET MEKE WAROGO WOKNINAKHIKHE WENE

⁵¹ Itithogon heagei warinakhe korlek eranogoat, it eta werek korlek, Allah nen, at ebe lekhogon pogot oba wolok dageisikhe.

Lukas 24:51 Iomraidhean Croise

Markus 16:19

Wene itithogon arat yogeisasikhemo, at Allah nen Yesus ebe pogot oba wolok dageisikhe. Itithogon wolok dageisikhemo alilu iki ebeke kok hurek welagarek.

Lukas 24:50

At Yesus nen wene itithogon warisasikhesik, it agarumi emenogo o kota kokma nen wogosik dukhisikhesik, o Baitania etoma lageikhe. Lageikhesik, iki lia'iluk nen, “Allah nen thethisik dogolik hanothinakhe dogoak o,” iluk heagei warinakhikhe.

Lukas 24:52

Itithogon dageisinem, it agarumi emenogo initibagal yukukhogon hogoratuluk nen, inakla arleken kokhogon akhilik, o Yerusalem inapuke wagoukha.

Yohanes 20:17

Itithogon heagei wakhikhemo, at Yesus nen, men yogokhikhe, “An nebe nopase oba aban dageigidek welagei iti re, hiki abiak haknarik dogogun o. An men, hit men, ninopase Allah oba hakotdiluk welagorek meke etnogo oba dageigiluk hagakhe lagei, ekhe iluk nagarumi yogeisa lan o,” iluk yogokhikhemo,

La'isasikhe 1:9

Wene itithogon arat yogeisasikhemo nen, Allah nen at ebe pogot oba wolok dageisinem, inileken werek korlegat oisa nen thebelhikhemo, inileken yabokane higidek.

Ibrani 1:3

Mulikin terlelek-werlelekhogon la'i agarek hak, Allah ebe hogorakharek meke iti nen, Yesus ebe la'i ageikhemo agat oba liarogo dogolik, opase alino hakene at welagarek iti. Itithogon dogolik, yi meke ti meke tha'bokhogonat welagarek iti, at ane obatne baga welagarek. Werekma, nit weak hagakhe lagagu meke arat horogo degetdisikhesik nen, Allah Etagapgoto kok meke etnogo baga dageisikhesik alilu iki ebeke kogat welagarek iti o.

Ibrani 4:14

Nit ninoe kok Allah iteerek Allah a'but Yesus etnogo pogot abel upuke Allah werekma dageisikhesik nit ninobasik werek iti nen he, nit ninetaiken at oba hakotdiluk ninane pakhogon ekhe lago meke iti, niniki a'bethogon hago dogouok o.