Lukas 24:49 - ALLAH ANE WENW KET MEKE WAROGO WOKNINAKHIKHE WENE

⁴⁹ Nen, an nopase nen hit wokhisagein, iluk abok yokhisasikhe etnogo, yogo. An nenat hinoba usa'isasigin o. Meke re, Allah obatne pogot oba nen hinoba aban usa'i ageidek werek korlek ya re, hinebe o kota yomaat dogono,” iluk wene warisasikhe.

Lukas 24:49 Iomraidhean Croise

Yohanes 15:26

Hit yomakhisekhe dogoagaluk Allah Agoreke ebe wene yogeisoagaluk wagarek meke iti, an nen nopase werekma nen hit hinoba la'i agunem, at nen an nabok pakhogon yokhisekhe dogogin o.

La'isasikhe 1:4

Iniki ageikhe at agarumi inom opakimo natogorlek dogolik nen, men yogeisasikhe, “Yohanes nen ima usa'inageikhe lageikhe mekeat, hit hiniki doalegat welageidekma, Allah nen ima usa'inagu hak, at Agoreke hinoba usa'isigin iti, hinebe o Yerusalem yoma nen dukhugup. An nopase nen, It wogeisagein, iluk wene yokhisasikhe meke iti, an nen alebageik abok yokhisasigiat iti. Halok he, therogo dogono,” iluk wene warisasikhe.

La'isasikhe 1:8

Itithogon mekeat he, Allah Agoreke hinoba usa'aga halok, hinobatne asigin. Hinobatne atluk nen, o kota Yerusalem nen, o propinsi Yudea nen, o Samaria nen, hurli o yi ai ti ai o ilugun ilugun elomaat laga dogolik, an yi meke ti meke hagarik nukhunem hinileken neegep meke etnogo, an nobasik yogeisilik laga dogono o,” iluk yogeisasikhe.

La'isasikhe 16:7

o Misia witluk, etoma nen, o Bitinia luogoluk hagakhukha mekeat he, Allah Agoreke nen, “O etoma lausak dek o,” iluk inakla kagalhikhe.