Lukas 24:27 - ALLAH ANE WENW KET MEKE WAROGO WOKNINAKHIKHE WENE

²⁷ Itithogon yogeisasikhesik nen, at ekaerek hasik Musa nen holal waganhikhe emenogo hurli nen logat, it ap Allah ane yogeisekhe lagoukha meke nen holal waganhukha emenogo, tha'bokhogonat hutukhogon pilinerogon yogeisasikhe.

Lukas 24:27 Iomraidhean Croise

Markus 4:34

It akhuni aperek yakulisagaluk halok he, wene oba likhik anek yakulisekhe lageikhe mekeat he, at agarumi ane waganhe lagoukha meke emenogo anek he, inom inasokneat dogolik, wene ebe thelekmaat pakhogon yogeisekhe lageikhe.

Lukas 24:25

Itithogon yogokhukhama, at Yesus nen, “Eiye! Hinebe kepu a? Ap Allah ane yogeisekhe lagoukha meke emenogo nen wene tha'bokhogonat yogeisekhe lagoukha etnogo eberogonat iluk hit ibat hutdu'buk welagap yi re!

Lukas 24:44

Nalok nen, it emenogo men yogeisasikhe, “An hit ninom dogolik yokhisekhe dogolik, An hagatnabugun meke holal Musa nen waganhik, ap Allah ane yogeisekhe lagoukha meke emenogo nen waganhik, it aperek nen buku Mazmur oba waganhik, holal waganogo 'bisukha iti tak-tagat, an arat hagatnabugun, iluk yokhisekhe lagei etnogo ebe arat hagatlaga yi o,” iluk,

Yohanes 1:45

Oporlik laga dogolik, at Filipus etnogo nen yabokane Natanael herakhikhesik men yogokhikhe, “Natanael. At Musa nen wene Allah nen ninasuk wakhikhe wene etnogo baga, ap ageikhe abok ekhe dogolik, holal waganhik, nen, it ap Allah ane yogeisekhe lagoukha meke emenogo nen abok ekhe dogolik, holal waganhik, hagakhukha meke etnogo, nit arat herakho. At ebe re, Yusuf a'but o Nazaret meke Yesus at o,” iluk yogokhikhe meke re,

Yohanes 12:41

At Yesaya nen wene itithogon isikhe iti, at Yesus yabokane hagakhunem ebe hogorasugun meke hasik ileken hasikhesik nen, at abok isikhe iti.

Yohanes 5:37

An nebe hutdanuagaluk, nopase nen la'ani ageikhe meke iti nen, nabok pakhogonat yokhisasikhe mekeat he, hit nen nopase ane hinasuk holhidegat, elokhoken hinileken higidegat dogolik

Yohanes 5:39

Hit nen apekhe dogolik, Niniluk motok dogogun he, Allah ane holal waganek hago welago yi bagaat dogogun o, iluk, holal waganek iti hanorogon 'bikhegethep mekeat he, holal waganek iti, an nebe hutdanuagaluk holal waganhukhama werek korlegat,

La'isasikhe 10:43

At Yesus hasik, it ap Allah ane yogeisekhe lagoukha meke emenogo tha'bokhogonat nen, abok ekhe dogolik, men isukha, At ebe wagunem he, it akhuni weak hagakharek meke inetaiken at oba hakotdugun meke inebe dopok, it weak hagariogei meke iti, at Allah nen at Yesus etaga baga thagalogo degetdisagein o, iluk yogeisekhe lagoukha,” iluk at Petrus nen yogeisasikhe.

La'isasikhe 3:18

Haganeat Allah nen, An nen tilhinabigin meke Kristus hinoba la'isigin iti, ebe yi aik ti aik oba 'biluk wasugunat o, iluk abok isikhe meke iti, ebe it ap at ane yogeisekhe lagoukha meke emenogo inebe tha'bokhogonat nen ekhe lagoukha iti hagat, hagatlasuagaluk hagatlaga iti.

La'isasikhe 3:22

At Musa nen, men yogeisasikhe, Ninopase Etagapogot Allah ane yokhisekhe dogoagaluk, ap hit meke ageikhe an meldanhikhe iti hak, yabokane meldigin etnaga. Meldumo nen, at nen yi wene ti wene yokhisagein meke itiat hinasuk motok hanorogo holhe dogosak o.

La'isasikhe 3:24

It ap alebat Allah ane yogeisekhe lagoukha meke emenogo, hurli at Samuel iti hurli nen, it yabokane Allah ane yogeisekhe lagoukha meke inomat, inebe tha'bokhogonat nen, wene nit o yogotak welago ya dogolik hagakhe lago meke hasik ekhe lagoukha.

La'isasikhe 7:37

Nen, akhuni Israel meke yogeisekhe dogolik, Allah nen ap at ane yokhisekhe dogoagaluk, ap hit meke ageikhe an meldanhikhe iti hak, yabokane meldigin etnaga o, iluk yogeisasikhe iti, at Musa nenat o.

La'isasikhe 8:35

Itithogon yogokhikhemo, at Filipus nen hano wene Yesus hagakhe lageikhe wene yakulisigiluk, wene erlo holal waganek iti baga nen pilinerogo yogorik usasikhe.

A'bikaka 19:10

Itithogon yoknekhe lagama, an nen at malaikat etnogo apma ukiluk nitibagal yukukhogon hogorasigiluk hagakhi mekeat he, at nen yoknekhe dogolik, “Dek. Dek. Itithogon hogotnabusak dek o. An nebe hat inom, hagarlak lak inom, ninom tak-tagat o. Wene Yesus nen yoknisasikhe meke yogeisilik nekharek meke iti, at Allah Agoreke nen inakla kagalogo yogeisugunem yogeisegarek iti, wene erlo at Yesus nen yoknisasikhe itiat o. Halok he, at Allah at hogorasusak o,” iluk yoknekhe.