Lukas 23:8 - ALLAH ANE WENW KET MEKE WAROGO WOKNINAKHIKHE WENE

⁸ La'i ageikhemo nen, at Herodes etnogo Yesus hagakhe lageikhe meke alebat asuk holhikhesik, akla nen, “Ebe nileken hele e. Elalinat hagarinabik liliogo iti, ageikhe hagakhunem an nileken hele e,” iluk akla apalok werekma nen, at Yesus ebe oba wolok wagoukhama, ileken halok akla arleken akhasikhe.

Lukas 23:8 Iomraidhean Croise

Matius 14:1

O eta baga, at Herodes o Galilea eloke kok etagapogot welageikhe meke iti, Yesus nen hagakhe lageikhe meke asuk holhikhesik nen,

Markus 6:14

Yesus agarumi nen itithogon hagarinabik lagunem, at Yesus etaga akhuni o ya ta etoma inilu agoukhasik abok ugunem, at kok etagapogot Herodes asuk holhikheat. Itithogon hagakhunem it akhuni aperek nen men ekhe lagoukha, “Yohanes ima usa'inakhe lageikhe meke ebe wakhama watlaga etnogo iluk agasik waga higi. Itithogon iluk agasik iti nen hagasusak dek meke elalinat hagariogo iti,” igik,

Markus 8:34

Wenagakhikhesik, akhuni doalegat emenogo inom, agarumi ane waganhe lagoukha meke emenogo inom, waisasikhemo wagoukhama men yogeisasikhe, “At tha nen an noporlik nekhe dogeigiluk halok he, obabut ekaerek etaiken hunik hasik hagakherek meke iti, Na'it, iluk here'isalok, o baga meldisalok inakharek meke iti ago mekeat wolok an noporlik nekhe dogeigiluk wisuak o.

Lukas 4:23

Itithogon hogorakhukhama, at Yesus nen, men yogeisasikhe, “Akhuni nen hibiku-yogokuat ekhe dogolik, Hat hebe ap dokter hakene ethoma re, hoba u iti hekaerek nen hagaran o, iluk egarek meke, hit nen dagakhogon an yoknesugun higi. Itithogon yoknetluk, O Kapernaum hagakhe lagan meke holhe lago iti hak, yogotak hekaerek hai yoma itithogonat ageikhe hagasin o, iluk, yoknesuogoluk ekhe lagap higi,” iluk itithogon yogeisasikhesik nen, ageikhe men yogeisasikhe,

La'isasikhe 8:19

Wolok wageikhesik, men yogeisasikhe, “An niki akhuni aperek inoba thebelisugunem, Allah nen Agoreke itithogonat wogeisugunem horlekhe dogoagaluk, an ninomat iteerek asuok nen, obatne iti woknitni,” iluk kino yogeisasikhe.