Lukas 23:54 - ALLAH ANE WENW KET MEKE WAROGO WOKNINAKHIKHE WENE

⁵⁴ 'Bi lageikhe itinem, it akhuni Yahudi meke Allah hasik iniki 7 baga werlegat dogogun oba horogat hagasuogoluk dogolik, yi meke ti meke tugurogo 'begarek oba tak-tagat hari Jumat 'bisikhe.

Lukas 23:54 Iomraidhean Croise

Matius 27:62

It akhuni Yahudi meke hubuluke iniki 7 baga Allah hasik werlegat dogouogoluk, yogotakne hak yi meke ti meke tik-tuk 'biluk, it ap Allah iteerek meke inougi koktek emenogo inom, it ap Farisi meke inom, inebe natogorlogo Pilatus oba lagoukhasik nen,

Markus 15:42

At Yesus watlageikhe iti, it akhuni Yahudi meke hubuluke iniki 7 baga Allah hasik werlegat dogouogoluk, yi meke ti meke tugutrogo 'bisi korlek watlageikhe. Watlageikhemo, o arat hi ageikhemo ap ageikhe Yahudi inougi koktek wene pilinisuogoluk inom natogokhe lagoukha meke etaga Yusuf. Ai o Arimatea meke. Obabut hano nen, akhuni nen, “At hano,” iluk abok ekhe lagoukha. Itithogon hagakhe dogolik akla nen, “Allah nen apma 'binanigin iti an therogo welagei,” iluk therogo welageikhe meke iti, Pilatus ayuk degat lageikhesik Yesus ebe warek kino ukisikhe.

Lukas 23:53

Kino lageikhemo, at Pilatus nen, “I o, hano,” iluk yogokhikhemo, wageikhesik Yesus warek etnogo o baga nen usa'i ageikhesik nen, su kain etaga lenan meke baga dikilogo, oila akhuni inebe warek 'bisekhe dogouogoluk helekit elo kerat herlelhukhasik nen, ebe warek aban 'bigidekma 'bi lageikhe.

Yohanes 19:14

Hurek lageikhe etanem, hubuluke pesta Paskah na luogoluk, yi meke ti meke tugurogo 'bisi korlek, jam 12 hakene dikene eketurlemat hurek lageikhe. Hurek lageikhesik, akhuni Yahudi meke men yogeisasikhe, “Warligi yi. Ap yi hit hinoe kok etagapogot yi hinileken 'bikhani!” iluk yogeisasikhemo

Yohanes 19:31

Itinem, hubuluke iniki 7 baga Allah hasik werlegat dogouogoluk hagakhukha. Meke re, Allah hasik werlegat hibiku-yogoku welageikharek hakene 'buk. Ninat kok meke dogouogoluk nogo nen, men isukha, “Niniki Allah hasik werlegat werek korlek it inebe o baga meldisega meke iti warek o bagaat dogosak nina'it,” iluk, ap warek iti inoak tamelogo 'biluk, kobologo usa'isa isuogoluk, it ap Yahudi meke nen, at Pilatus kino yogosi lagoukha.

Yohanes 19:42

Itithogon werekma, hubuluke it akhuni Yahudi meke iniki 7 baga Allah hasik werlegat dogouogoluk, oila etnogo horogat nogo nen, warek etnogo oila iti 'bi lagoukha.