Lukas 23:5 - ALLAH ANE WENW KET MEKE WAROGO WOKNINAKHIKHE WENE

⁵ it emenogo yabokane inane motok obatnerogon men yogokhukha, “Dek o. Ap yi wene yakulisilik nekhe dogolik, akhuni o Yudea yi ai ti ai tha'bokhogonat inakla kagalik liliogo. Keram o Galilea etoma nen inakla kagalik kagalik, o yoma waga yi,” iluk yogokhukha.

Lukas 23:5 Iomraidhean Croise

Matius 11:1

It ap Yesus ane waganhe lagoukha meke inebe 12 emenogo inasuk itithogon warogo 'bisalok nen, akhuni inai ukul dopok horogat meke wene hano wene etnogo yakulisigik, inasuk wakhik, hagasigiluk, o ukul etoma nenat nekhe lageikhe.

Matius 2:1

At Yesus iti, o propinsi Yudea etoma o ukul etaga Betlehem itaklageikhe. Itaklageikhe eta higit o etoma ap kok etagapogot Herodes iti welageikhe. Werekma, it ap inobagasiak husagal penakhe lagoukha meke aperek o mulikin dagei agarekma eloma mot-mot nen o Yerusalem wagoukha.

Matius 27:24

Itithogon yogokhukhama, at Pilatus nen, “It akhuni yoma nen, Wasugunat, iluk inane kogat ekhe dogolik ilugun oba weak asusakma, an nane yugunat alomarogon ekhe lagei higi,” iluk, i henago ageikhe waganhikhesik nen, akhuni emenogo inileken werek korlek iki baga horekhe dogolik, men isikhe, “Ap yi amep, an noba asigin dek o. Hirat hinoba asigin o,” iluk yogeisasikhemo

Matius 4:23

Lagoukhama, at Yesus o Galilea eloke o tomok etoma nekhe dogolik, akhuni Yahudi meke sembayan egarekma ukisikhesik, wene hano wene yabokane ninopase Etagapogot apma 'binanigin etnogo wene yogeisigik, yi u ti u hano hagarinakhik, hagakhe lageikhe.

Markus 1:14

Yabokane Yohanes etnogo iki herle wakhukhasikmo, at Yesus o Galilea eloke dagei ageikhesik nen, Allah ane hano wene etnogo yogeisilik nekhe lageikhe.

Lukas 11:53

o etnogo here'isalok itikman dukhi lageikhemo, it ap Allah ane holal waganek iteerek meke men, ap Farisi meke men, inakla aga at oba 'bekhe dogolik, “At Yesus iti ane igin oba wene, 'biluk ebe wasuok,” iluk itema kogat waganhik, heerlekha'bugat waganhik, hagakhe dogolik inileken waganhe lagoukha.

Lukas 23:23

o baga meldiluk wasuagaluk inane inobatnerogon nen kino yogokhukhama it inane obatne ageikhe.

Lukas 23:6

Itithogon yogokhukhama at Pilatus etnogo asuk holhikhesik nen, “Ap yi o Galilea meke a?” iluk, akhuni emenogo yogeisasikhemo,

Yohanes 1:43

Itithogon isikhesik noge iluk hubuluke, at Yesus o Galilea dageisigiluk akla apasikhesik nen dagei ageikhe hak, ap etaga Filipus ipisak abuk agoukhasik nen, men yogokhikhe, “Nagot. An noporlik eme o,” iluk ayoko 'bisikhemo oporlik lageikhe.

Yohanes 19:15

it nen inaneak kokhogon walhe dogolik, “Ebe watno! Eba watno! O baga meldiluk watno o!” iluk yogokhukhama, at Pilatus nen, men yogeisasikhe, “An nen hit hinoe kok etagapogot yi, o baga meldiluk wasusak hano apekhe lagap a?” iluk yogeisasikhemo, it ap Allah iteerek inougi koktek nen, men yogokhukha, “Nit ninoe kok etagapogot Kaisar arligat o. Ageikhe dek o,” iluk yogokhukhama,

Yohanes 2:11

At Yesus ebe hutduagaluk elalin meke ageikhe hagakhidekma alebageik hagakhikhe iti, o Galilea o ukul Kana dogolik hagakhikhe iti baga, at hogorakharek meke inilurogo yakulisasikhemo, it at agarumi ane waganhe lagoukha meke emenogo Yesus ebe hutdiluk, inetaiken at oba hakotdisukha.

Yohanes 7:41

it aperek nen, “Dek o. Akhuni tilninabuagaluk Allah nen la'isigin isikhe etnogoat o,” iluk ekhe lagoukha mekeat, it aperek nen, men isukha, “Akhuni tilninabuagaluk Allah nen, la'isigin isikhe etnogo, o Galilea nen erlok wisusak nogo? Erlok dek o.

Yohanes 7:52

it nen at men yogokhukha, “Hat meneke, haila o Galilea meke nogo? Ap Allah ane yogeisegarek meke ageikhe o Galilea nen wisigin iluk Allah ane baga holal waganek ageikhe werekma hileken higin motok dek etnaga, hileken hanorogon 'bikhekhe dogono,” iluk yogokhukha. [

La'isasikhe 10:37

Wene ebe hagatlageikhe iti, at Yohanes nen ima usa'inakhe dogolik, wene ima usa'inakharek wene iti yogeisekhe lageikhesikmo nen, at Yesus ai Nazaret meke iti, Allah nen Agoreke oba usa'i ageik, obatne wogokhik, hagakhikhesik, ipisak welageikhe iti nen, alebageik o Galilea eloke etoma nen, o akhuni Yahudi meke inai yi ai ti ai etoma laga dogolik, yi meke ti meke hanorogo hagakhik, it aperek Iblis nen a'bethogon hagasik welageikhe meke hano hagarinakhik, hagarik nekhe lageikhe iti hiniluat o.

La'isasikhe 23:10

inane kogat thagalhe dogolik, Paulus ebe ebelake nen likhigik, ebelake nen likhigik, wasunogo iluk, it ap tentara opaki doalhe lagoukha meke inoe kok etnogo nen, agarumi it ap emenogo inoba usatluk, Paulus ebe inakla nen tilogo o obatneak halekma etnogo wolok ukuagaluk yogeisasikhe.

La'isasikhe 5:33

Itithogon yogeisasikhemo, it inakla aga dageiluk ap Yesus nen inayoko 'biluk la'isasikhe meke emenogo inasuogoluk hagakhukha.

La'isasikhe 7:54

At Stefanus nen wene itithogon yogeisekhe lageikhemo, it inasuk holhukhasik, inakla aga dageiluk, inaik hunetdiluk ebe wasuogoluk hagakhe lagoukha.

La'isasikhe 7:57

Itithogon yogeisasikhemo, it emenogo inane amitmit luk-luk, iniki inasuk tetnokhogon, pirlirliat opaki tak-tak oba hobotha ukisukha.