Lukas 23:42 - ALLAH ANE WENW KET MEKE WAROGO WOKNINAKHIKHE WENE

⁴² yabokane, at Yesus men yogokhikhe, “Yesus noe! Hat kok hetagapogot dogeigiluk waga dogolik, an noba ebetno,” iluk yogokhikhemo,

Lukas 23:42 Iomraidhean Croise

Lukas 12:8

Itithogon yogeisasikhesik, ageikhe men yogeisasikhe, “Tha nen akhuni inil oba, Yesus iti an noe o, iluk pakhogon isi halok he, an abat itaklasi agagi etnogo nen meneke, it malaikat Allah nen yoko la'isa agarek meke emenogo inil oba, At yi an nagot o, iluk, it inobasik nane pakhogonat yogeisagein o.

Lukas 18:13

at ap pemerintah hasik uang kino iluk natogokherek meke etnogo anek he, ebe walegat metek dogolik uroak usageik ileken pogot oba liakhigidek ayukhogon dogolik, iki nen etaiken huselekhe dogolik, men isikhe, Allah nopase o! An weak hagakherek meke yi, hakmu nean o, iluk yogokhikhe.

Lukas 23:41

Nit weak hagakhe lagoma ninobabut oba ninasusak tak-tagat ninakha mekeat he, at yi anek itithogon weak ageikhe hagakhidek o,” iluk yogokhikhesik

Lukas 23:43

at Yesus nen, men yogokhikhe, “O yogotak yiat nipisak o hanoma etoma lalok dogogun o, iluk eberogonat yokhikhi o,” iluk yogokhikhe.

Lukas 24:26

At Kristus Allah nen ayoko 'bisikhe etnogo, yi aik ti aik higidek hogorasusak a? Dek o. Hugunem nen hogorasusak o. Hit nen egep iti hagasusak tak-tagat hagakha o,” iluk yogeisasikhe.

Yohanes 1:49

at Natanael nen, men yogokhikhe, “Noe. Allah a'but nit Israel meke ninoe kok Hetagapogot harat hiigi o,” iluk yogokhikhe.

Yohanes 20:28

Itithogon yogokhikhemo, at Tomas nen, “Eiye! Noe, hebe Hetagapogot Allah at hiigi o,” iluk yogokhikhemo,

La'isasikhe 16:31

it nen he, “Hetaiken ninoe Etagapogot Yesus oba hakotdigin halok he, hat hebe men, ha'buri men, hinebe tha'bokhogonat tilhinabigin o,” iluk yogokhukha.

La'isasikhe 20:21

An nen akhuni Yahudi meke men, yunani meke men, hinasuk wakhe dogolik, Weak hagakhe lagap meke thogotdisalok, hinobabut hebelatluk hinelokhe Allah wogotni o. Wogotluk nen, hinetaiken ninoe Etagapogot Yesus oba hakotdiluk dogobageik iluk yokhisekhe lagei iti.

1 Petrus 1:11

Itithogon yogeisekhe lagoukha iti, at Kristus Agoreke inakla dogolik yogeisekhe dogolik, men isikhe, “Kristus aik hilik hilik watlasigin. Watlatluk nen yabokane iluk agunem hogorakhe dogogun,” iluk yogesasikhemo it nen ekhe dogoligat, “Nikithogon hagatlasigin. Meranem nen hagatlasigin,” iluk hinok hutukhogon waganhe lagoukha.

1 Yohanes 5:1

Akhuni nen he, “Yesus iti Allah nen ayoko 'biluk la'i ageikhe meke eberogonat Kristus etnogoat o,” iluk inetaiken at oba hakotdegarek meke inebe tomok he, Allah nen itaginakhemo, at a'buri werek o. Nen, nit ninopase Allah ninakmurogon dogolik halok he, at a'buri itago meke iti ninakmurogon dogosagat o.