Lukas 23:4 - ALLAH ANE WENW KET MEKE WAROGO WOKNINAKHIKHE WENE

⁴ at Pilatus nen ap Allah iteerek meke inougi koktek inom, akhuni doalegat natogorlek welagoukha meke emenogo inom, yogeisekhe dogolik, men isikhe, “An nen, at yi itema waganhi meke, at weak ageikhe hagakhemo higi motok dek o,” iluk yogokhikhemo,

Lukas 23:4 Iomraidhean Croise

Matius 27:19

wene erlo penakharekma eranogo hurek werekma, at Pilatus age nen ap ageikhe wene warogo la'i ageikhe. La'i aga dogolik, men isikhe, “An hibako noge isinem ap iti hasigat na'bi motok weak higirik o. Halok he, at obabut hano meke iti hat hinom nen wene oba 'bugup o,” iluk isikhemo yogosi agoukha mekeat he,

Markus 15:14

Itithogon yogokhukha mekeat he, at Pilatus nen men yogeisasikhe, “At weak nena meke hagakhemo nen,” iluk yogeisasikhe mekeat he, it nen, “O baga meldiluk watno o!” iluk yabokane inane ebenageik kokhogonat yogokhukha.

Lukas 23:22

at Pilatus nen iki pere baga yogeisasikhesik nen yabokane ageikhe inom dagakhogon yogeisekhe dogolik, men yogeisasikhe, “At yi nena meke weak hagakhemo nen. Weak hagakhunem inakharek iti hakene, an wene erlo penakhi mekeat, at yi nen weak ageikhe hagakhemo higi dek o. Halok he, tugi anek warogo iki herle hisalogo thogotdigin o,” iluk yogeisasikhe meke re,

Yohanes 18:38

at Pilatus nen, “Wene ebe wene iti nena wene nogo,” iluk yogokhikhe. Wene itithogon yogokhikhesik, at Pilatus yabokane ap Yahudi meke inoba dukhi ageikhesik nen, men yogeisasikhe, “An nen at wene oba 'begep meke pilinekhi meke re, at weak ageikhe hagakhemo higi motok dek o.

La'isasikhe 25:25

It nen itithogon iliogei mekeat, an nen wene iti erlo herakhi meke re, at nen weak ageikhe eberogonat hagakhunem, ukum inoba 'biluk inebe inakharek tak-tagat ageikhe hagakhe dekma higi. Mekeat, at ekaerek nen, Ukum yi ap Kaisar nen erlo herago ilokon wasuak, iluk ekhemo, Kaisar oba la'igiluk igi iti.

La'isasikhe 3:13

Ninopase Allah iti, Abraham nen hogorakhik, Ishak nen hogorakhik, Yakub nen hogorakhik, ninopa lak aperek nen hogorakhik, hagakhe lagoukha meke etnogo nenat, a'but Yesus kogotdekhe iti. Meke re, hit nen, it aperek nen wasuagaluk inikimo 'begepma re, at Pilatus nen iki herle hisalogo ula'igiluk hagakhe mekeat he, hit nen, Ap iti nina'it o, iluk egep etnogo.

Ibrani 7:26

Nit ninakla nen, “Ap ageikhe Allah iteerek nit ninobasik hano 'bogokhogon yigithogon kok dogolik hagakhe dogolep e,” iluk apogorek mekeat he, Allah nen ninoe Yesus itiat meldisikhemo werek o. At obabut weak korlo ageikhe hagakhidek, hano karelek motok werekma, akhuni weak hagakharek meke inakla nen karelogo pogot abel upuke upu eloma lia'isikhemo nit ninobasik werek o.

1 Petrus 1:19

At he, oko kok meke baga palogo tilhinakhikhe o. Domba eak weak dek hano utholik meke Allah hasik amep ulabogo warisu hak, at Kristus amep ulabogo watlageikhe iti baga, hinoko palogo tilhinakhikhe iti.

1 Petrus 2:22

At nen, “Weak ageikhe hagakhidegat. Nen, ekalat isinem, akhuni aperek inasuk holhidegat o.”

1 Petrus 3:18

Nit akhuni weak hagakhorek iti hasik niniki ilugun oba, at Kristus yabokane watlageidek dogeigiluk opaki hasigat watlageikhe. Ninebe Allah oba woknisik lagaluk, at obabut mothogon hagakherek meke nen, nit ninobabut korlo hagakhorek meke hasik watlageikhe iti. Ebe nit akhuni meke iti wakhukhama watlageikhe mekeat he, agoreke meke iti Allah nen ilugutdisikhe iti.