Lukas 23:32 - ALLAH ANE WENW KET MEKE WAROGO WOKNINAKHIKHE WENE

³² Nen, at wolok waga dogolik, it ap inobabut motok weak hagakhe lagoukha meke inebe pere inom inasuogoluk wogosik wagoukhaat.

Lukas 23:32 Iomraidhean Croise

Matius 27:38

Yesus ebe o baga turlem itithogon meldisukhasik, it ap inebe pere akhuni inameke iniki abusak waganhe lagoukha meke ageikhe iki ebeke, ageikhe iki paike, meldisalok inom inakhukhaat.

Markus 15:27

Yesus ebe o baga turlem itithogon meldisukhasik nen, it ap inebe pere akhuni inameke iniki abusak waganhe lagoukha meke, ageikhe iki ebeke, ageikhe iki paike, inom meldisalok inakhukhaat. [

Lukas 22:37

An hagatnabugun meke hasik holal waganogo 'bekhe dogolik, At iti akhuni inobabut weak hagakharek meke inom thabakhogon iniki wenageinakha o, iluk isukha iti, an noba tak-tak hagatlasusak mekeat yogotak hagatlarik wiriogo iti nen yokhisigi o,” iluk yogeisasikhemo,

Lukas 23:31

Iti hak, yogotak ya o ket oba negen dogolik hagatnabiogei yi, yabokane o puk oba negen asi laga dogolik nikithogon hagasugun apegep,” iluk yogeisasikhe.

Yohanes 19:18

Dukhi agoukhasik etoma nen Yesus ebe o baga turlem meldiluk nen, it ap pere ninat meke inom abel ebelak-ebelak meldisasukha.

2 Timotius 2:9

An hano wene itithogon yogeisilik nukhunem, it akhuni aperek nen, it aperek weak hagariogei meke hagarinabu hak, an yi aik ti aik hagatnakhik, niki herle wakhik, hagariogei mekeat he, Allah ane iti herle wasusak erlok dek o. Herle hisalegat werek o.

Ibrani 12:2

Itithogon laga dogolik, ebekeram ninetaiken Yesus oba hakotduagaluk, at nenat ninakla kagalhik, hurli ilugun oba hano 'bogokhogon motok asi loagaluk, at nenat thetnisik welageik, hagakherek iti nen, arat nit ninileken nen wolok mutluk laga dogouok o. At akla nen he, “Inebe o baga meldisalok inekarli warogo inakharek iti hak, an itithogon watlasu nekarli,” iluk apigidek dogolik, “An yabokane nakla arleken akhagein,” iluk at ebe wakhe korlek obakhanini hapugutdiluk welageikhesik nen, yabokane iluk ageikhesik yogotak Allah kok welagarekma etoma alilu iki ebeke kogat werek o.