Lukas 23:2 - ALLAH ANE WENW KET MEKE WAROGO WOKNINAKHIKHE WENE

² Wagoukhasik wene oba 'bekhe dogolik, men yogokhukha, “Ap yi nen akhuni nit meke nukhetdisigik, uang pemerintah meke hasik ap kok Kaisar etnogo wogosusak dek o, igik, Hinoe netagapogot Kristus etnogo anat o, igik, iluk nit ninil oba ekhe laga iti nen, wolok wago,” iluk yogokhukha.

Lukas 23:2 Iomraidhean Croise

Matius 17:27

Meke re, it nen ina'it nisaunogo nen, i yekelekma lalok ikan wakharek meke herle etnogo ima usa'isinem alebageik wasigin meke etnaga hikimo waganiluk ape lanethasinem, uang apema werekma higin o. Halok he, itiat waganogo hat hasik inom, an hasik inom, it ap iti wogeisano,” iluk yogokhikhe.

Matius 22:21

it nen he, “Ithi Kaisar at o,” iluk yogokhukhama, at Yesus nen, “Kaisar ameke halok he, Kaisar wogokhik, Allah ameke halok he, Allah at wogokhik, hagasusak o,” iluk yogeisasikhemo,

Matius 27:11

At Yesus ap Pilatus gubernur kok meke etnogo oba wolok wagoukhama elokhoma metek werekma, at gubernur etnogo nen itema waganhe dogolik, “Akhuni Yahudi meke inoe etagapogot etnogo harat a?” iluk yogokhikhemo, at Yesus nen, “Hat egen itiat o,” iluk yogokhikhe mekeat,

Markus 12:17

at Yesus nen men yogeisasikhe, “Kaisar meke halok he, Kaisar at wogokhik, Allah meke halok he, Allah at wogokhik, hagakhe dogono o,” iluk yogeisasikhemo it nen, “Eiye! Nayuk o,” iluk hogorakhukha.

Markus 15:2

Wogosi agoukhama, at nen hinok Yesus oba waganhe dogolik men yogokhikhe, “Akhuni Yahudi meke inoe etagapogot etnogo, hat mekeat ega?” iluk yogokhikhemo at nen, “Hat egen itiat o,” iluk yogokhikhe.

Lukas 23:14

wene men yogeisasikhe, “At yi nen akhuni nukhetdisilik liliogo yi, iluk, an noba wolok wagasip wene oba 'begepma, an nen hit hinilobaat weke erlo penakhi meke re, hit nen wene oba 'begep hak, higi dek o.

Lukas 23:5

it emenogo yabokane inane motok obatnerogon men yogokhukha, “Dek o. Ap yi wene yakulisilik nekhe dogolik, akhuni o Yudea yi ai ti ai tha'bokhogonat inakla kagalik liliogo. Keram o Galilea etoma nen inakla kagalik kagalik, o yoma waga yi,” iluk yogokhukha.

Yohanes 18:29

O silimo huk agoukhama nen, at Pilatus inoba dukhi ageikhesik men yogeisasikhe, “Warligi yi. Ap yi wene nikithogon meke oba 'begesip nen wolok wagap,” iluk yogeisasikhemo,

Yohanes 18:30

it nen, men yogokhukha, “At weak hagakhidek dogolepma re, hat hoba wolok wetlo degat o,” iluk yogokhukha,

Yohanes 19:12

at Pilatus asuk holhikhesik nen, Yesus herle hisalogo 'bigiluk walhasikhe mekeat, it ap Yahudi meke emenogo inaneak kogat walhe dogolik, men yogokhukha, “Ap tha nen, An nebe kok netagapogot, iluk ekaerek nen ekhe halok, ap kok Kaisar, Na'it, iluk apiliogo. Halok he, hat nen at ithi herle hisalogo ula'egen halok, hat ap Kaisar hipisak ekayo meke dek o. At inom weak meke apogo,” iluk yogokhukhama,

La'isasikhe 24:13

It ap yi nen ukum noba 'biliogei iti, Eberogonat hagakhemo, iluk nena meke inugutheagun. Inugutheasak degat asigin o.

La'isasikhe 24:5

Ap yi nen, akhuni weagarinabik nukhunem, obabut palho. It akhuni ap Nazaret meke etnogo oporlik liliogei meke inoe kok dogolik, akhuni Yahudi meke o yi ai ti ai welageikharek meke tha'bokhogonat inakla kagalik liliogo.

Roma 13:7

Halok he, it wogeisausak mekeat wogeisekhe dogono o. Uang pemerintah nen yi hasik ti hasik kino isinem wogeisausak tak-tagat wogeisigik, it inebe hinayukhogon dogosak mothogonat hinayukhogon welageik, inalon halusak tak-tagat inalon halinakhik, hagakhe dogono o.