Lukas 22:8 - ALLAH ANE WENW KET MEKE WAROGO WOKNINAKHIKHE WENE

⁸ Arat asi ageikhemo, at Yesus nen Petrus Yohanes ipisak la'isekhe dogolik, men yogeisasikhe, “Nit pesta Paskah hasik domba ninom nuok nen, lalok werago tugurogo 'biluk dogono,” iluk itithogon yogeisasikhemo,

Lukas 22:8 Iomraidhean Croise

Matius 3:15

Yogokhikhemo, at Yesus nen, “An usa'anusagat o. At Allah nenat yi hasik ti hasik itithogon hagasuagaluk apekherek tak-tagat hagatnabusak o,” iluk isikhemo, “I o,” iluk

Lukas 1:6

It age ipisak iti ninopase Etagapogot nen, “Yigithogon hagatno, tigithogon hagatno,” iluk, yakulnisigik, ninasuk wakhik, isikhe meke etnogo, motok mothogonat hagakhe lagoukhama, at Allah nen, “It iti inobabut hano motok,” iluk, ekagat ileken isekhe lageikhe.

Lukas 22:9

it nen, “Nit nen yi meke ti meke o ki tugurogo 'biluk dogosak warlok nen egen,” iluk isukhama

La'isasikhe 3:1

Iniki ageikhe, jam 3 baga, mulikin korok i lagaluk hagakhe korlek, Petrus Yohanes ipisak, akhuni Allah ai halekma sembayan ekhe lagoukha hak uogoluk hagakhunem, inoba dageisukha.

La'isasikhe 3:11

Ap etnogo Petrus Yohanes ipisak iniki hak-hak Allah ai halekma nen dukhi agoukhasik, misohulak etaga Salomo thalekma iluk ekhe lagoukha baga iti dukhi agunem, akhuni tha'bokhogonat nen hogorarik pirlirli inoba natogokhukha.

La'isasikhe 3:3

O itinem 'bisukhama hurek werekma, Petrus Yohanes ipisak Allah ai halekma ukuogoluk hagakhunem ileken hisalok nen, it nen yi meke ti meke ageikhe wogosuagaluk kino yogeisasikhe.

La'isasikhe 4:13

It Petrus Yohanes ipisak inayuk dek dogolik, wene pakhogon itithogon yogeisugunem, it ap emenogo nen hogorinakhe dogolik, “Ap yi sekolah yakulhidek. Inokodek uma mekeat he, Yesus inom nekhe lagoukha meke etnogo nen higi,” iluk hutdisukha.

La'isasikhe 4:19

Itithogon yogeisasukhama, it Petrus Yohanes ipisak nen, “Allah il oba mothogon hagasusak he, ki. Hit nen, Itithogon hagasusak, iluk egep meke iti hologo hagasusak a? At he, Allah nen, Itithogon hagasusak, ekherek meke iti hologo hagasusak a. Hinakla ebetni. Nit nen, ninileken higik, ninasuk holhik, hagakho meke iti, akhuni aperek yogeisigidek huk asusak erlok dek iti nen yogeisekhe dogogunat o,” iluk yogeisasukha.

La'isasikhe 8:14

Itithogon hagakhukhama, akhuni nen, “Akhuni o Samaria meke Allah ane waganha o,” iluk ekhe lagoukhama, it ap Yesus nen inayoko 'biluk la'isasikhe meke emenogo, o Yerusalem dogolik, inasuk holhukhasik nen, Petrus Yohanes ipisak akhuni Samaria meke inoba la'isa agoukha.

Galatia 2:9

Itithogon hutdinanhukhasik nen, it Yakobus men, Petrus men, Yohanes men, Allah a'buri nen, “Nit ninougi it werek,” iluk egarek meke nen, “Hit nen, wene akhuni itikmanke meke yogeisilik lano. Nen, nit nen akhuni Yahudi meke inobasik yogeisilik lugun. Ninom tak-tak hagakhe dogouok,” iluk nen, Barnabas nipisak niniki hak-hak heagei watninakhukha.