Lukas 22:43 - ALLAH ANE WENW KET MEKE WAROGO WOKNINAKHIKHE WENE

⁴³ it malaikat Allah nen yoko la'isekherek meke ageikhe pogot oba nen oba usa'ageikhesik nen, etaiken ago wakhikhe.

Lukas 22:43 Iomraidhean Croise

Matius 26:53

Yogotak an nebe nirlirli woknabuagaluk, nopase kino yogosumo, at nen it malaikat Allah nen pogot oba yoko usa'isa agarek meke emenogo inebe agot dopok 12 oba doaldiluk pererlagat mekeat he, agot dopok motok doaldiluk inayoko 'bumo, tilnabi wisusak erlok dek apegen a?

Matius 4:11

Itithogon yogokhikhemo Iblis etnogo Yesus here'isalok horla lageikhemo, malaikat pogot oba nen Yesus oba usa'agoukhasik therogo welagoukha.

Matius 4:6

men yogokhikhe, “At Allah nen, Hat hisok helekit oba tamukhogon waraunogo iluk, an nagarumi malaikat emenogo nen iniki talek oba wokhabuak nen yogeisagein, iluk isikhemo holal waganek werek iti, hat eberogonat Allah a'but halok he, pok wema ethoma usan ta,” iluk yogokhikhe.

Lukas 22:32

hat hetaiken noba hakotdiluk welagan meke iti obatne dek asinogo iluk, hat hobasik an Allah ayoko arat 'bigima. Hobabut hebelagan halok he, hagarlak lak yoma hat nen inetaiken ago watdisekhe dogono o,” iluk yogokhikhe.

La'isasikhe 14:22

Alep laga dogolik, akhuni Yesus ane yakulisilik lagoukhama waganhukha meke yabokane inoba haklarik dukhi aga dogolik, inetaiken ago warinakhik, inasuk wakhik, ilik dukhi aga dogolik, men yogeisasukha, “Wene eberogonat iluk hinetaiken Yesus oba hakotdisigip meke iti, hinobatnerogon hakotdiluk dogono. Nit yabokane Allah apma motok dogouogoluk ninoba yi aik ti aik hekhe dogoluk nenat ukugun o,” iluk yogeisilik dukhi agoukha.

La'isasikhe 18:23

O Antiokhia wageikhesik welageikhesik nen, yabokane o propinsi Galatia men, Frigia men, waga dogolik etoma it akhuni Yesus ane waganhukha meke inetaiken ago watdisilik nekhe lageikhe.

1 Timotius 3:16

Wene iti, nit Allah apma dogolik eberogonat iluk apogorek wene limago welageikhe meke Allah nenat thelekmatdisikhemo, “Wene iti kok,” iluk pakhogon ekhe lago. Wene iti re, At Kristus ebe akhuniat winam ageikhe o. At Allah Agoreke nen, “At Kristus iti eberogonat,” iluk thelekmatdisikhe o. It malaikat Allah nen yoko usa'isa agarek meke inileken hasukhaat o. Agarumi nen at hagakhe lageikhe wene etnogo yi akhuni ti akhuni itikmanke meke yogeisilik lagoukha o. Akhuni o yi ai ti ai agat oba meke aperek doalegat nen, “At ebe eberogonat,” iluk inetaiken at oba hakotdisukha o. Allah nen pogot oba hogorakho motok welageikharekma lia'isikhemo welagarek o. Wene iti re, at Allah nenat thelekmatdisikhemo pakhogon ekhe lago o.

Ibrani 1:14

Allah agarumi malaikat iti inebe, nikithogon hagakharek meke nogo? It inebe, nit Allah nen tilninabigin meke yomaknisekhe dogoagaluk, at nen inayoko 'biluk la'isa agarek mekeat o.

Ibrani 1:6

Iti nen, at Allah nen a'but opakiat itago agat oba yoma usa'i ageikhe itinem, it malaikat yigithogon yogeisasikhe, “Hit an nagarumi malaikat tha'bokhogonat, at anek oba hakokthek dogolik hogorakhe dogono o,” iluk yogeisasikhe.

Ibrani 2:17

Itithogon hagakhikhe iti, yigithogon iluk. Nit akhuni weak hagakhorek meke, at nen degetdisagaluk, at ebe Allah iteerek kok dogolik, obabut Allah hasik hupukhogon hagakhik, nit akhuni akmutninakhik, erlogat hagakhe dogeigiluk, at ebe nit akhuni agarlak lak erugi hakeneat atluk, nit hagakhorek meke tha'bokhogonat ninobabut waganusak mekeat waganhikhe iti.