Lukas 21:36 - ALLAH ANE WENW KET MEKE WAROGO WOKNINAKHIKHE WENE

³⁶ Yigithogon tigithogon tha'bokhognat hagatlasigin igi etnogo hagatlaga korlek, hinobatnerogon hinakla puk dogoluk, hinekarli degat nelokhoma metek werekma, an abat itaklasi agagi etnogo 'bithisasik nen hibiku-yogoku sembayanat ekhe dogolik, hinobabut hebelogo dogono o,” iluk yogeisasikhe.

Lukas 21:36 Iomraidhean Croise

Matius 24:42

Itithogon hagatlasigin iti nen hit nen, Ninoe Etagapogot mera wisigin, hinokodek iti nen, hinobabut hebelogo dogono o.

Matius 24:43

Nen, ap aila iteerek meke ageikhe akla nen, O yogotak hibako, jam iti baga naila yoma ap ageikhe iki abusak waganigiluk ukisigin, iluk, ilu dogolepma re, at ebe aila iti thuam motok werekma, aila o pin talogo iki abusak wagani ukilep dek, iluk, hiniluat apigi.

Matius 24:44

Iti hak he, hit hinakla nen, At itinem wisigin, iluk apigidek akhirak werek korlek, an abat itaklasi agagi etnogo, arat wisigin iti, hit hinebe karelogo dogono,” iluk yogeisasikhe.

Matius 25:13

Yesus nen itithogon yogeisasikhesik nen, “Iti hak, an wisigin iti, hit nen, O itinem jam iti baga wisigin iluk, hinokodek iti nen thetnarik dogolik hinobabut hebelogo dogono o,” iluk yogeisasikhe.

Matius 26:41

Weak hagasuagaluk hinakla kagalisinogo iluk, hinobabut hebelogo dogolik, sembayanat ekhe dogoni o. Hinakla nen erlok hagasusak iluk apekhe lagap mekeat, hinebe nen itithogon hagasusak erlok dek o,” iluk yogeisasikhesik nen,

Matius 8:20

Itithogon yogokhikhemo, at Yesus nen, “Helo yeke iti, ai halek akolakla welagarek. Nen, thue hitluk nekharek meke iti, ai halek welagaregat. Meke re, an abat itaklasi agagi iti anek, noge ekhe dogosakma nai halek motok dek o,” iluk yogokhikhe.

Markus 13:33

Mera hagatlasigin hit hinokodegat iti nen, hinobabut hebelogo thuam hanorogon dogono o.

Markus 13:37

hinobabut hebelogo dogono o, iluk hit yokhisigi yi akhuni inebe tha'bokhogonat hinomat yokhisigi o,” iluk yogeisasikhe.

Lukas 1:19

at malaikat etnogo nen, “An Allah il oba metek welagarek meke netaga Gabriel, iti nebe anat o. Hano wene yi yokhesuagaluk, at Allah nen yoko la'ani agama wagei o.

Lukas 18:1

Itithogon yogeisasikhesik nen, at Yesus agarumi ane waganhe lagoukha meke emenogo sembayan ekhe dogoluk nen inakla puk atluk here'igidek, hunik-hunigat ekhe dogoagaluk, wene ageikhe oba lisogon men yogeisasikhe,

Lukas 20:35

it akhuni watlatlukmo nen, Allah nen inilugurinabigin oba nen, o yabokane dogogun oba iti, erlok dogoak, iluk apekherek meke etoma dogolik, humi waganhik, it aperek igisigik, hagakhe dogogun motok dek o.

Lukas 21:35

'bagei herle nen al debelogo wakherek hak, an wene igi iti opaki hasik hagakhe dogolik, akhuni agat oba meke tha'bokhogonat motogat weagarinakhe dogolik, hit hinom weagathinabinogo nen, hinobabut hebelogo dogono o.

La'isasikhe 10:2

At ebe men, a'buri men, Allah ayukhogon dogolik hogorakhe lagoukha. Hogorakhe dogolik it akhuni Yahudi meke emenogo aperek inameke dek meke kokhogon yomageisekhe dogolik, sembayan huk ageidek isi motok welageikhe.

1 Korintus 16:13

Hinobabut hebelogo dogolik, hinetaiken Allah oba hakotdiluk, metegat dogono o. Hinobabut abat dogolik, hinobatnerogo dogono o.

2 Korintus 4:14

Itithogon yogeisekhe dogolik, ninakla men apekhe lago. At Allah nen, ninoe Etagapogot Yesus apuke ilugutdisikhe iti hak, nit meneke at ninom tak-tagat ninilugutninabiluk nen, hit ninomat Yesus oba 'binani ligin iluk ninilu.

Kolose 4:2

Sembayan Allah heagei wakhe dogoligat, hina'it ageidek hunik-hunigat ekhe dogolik, hinobabut hebelogo dogono.

1 Tesalonika 5:17

Sembayan hunik-hunik isi motok dogono.

2 Timotius 4:5

It itithogon hagakho korlegat, hat yi meke ti meke hasik, hobabut hebelek dogolik, hoba yi aik ti aik hekhe dogolik, hobakhanini hapugutdiluk dogono o. Hano wene yakulisilik nekharek iti mekeat kogotdiluk Allah nen, “Itithogon yomageisekhe dogono,” iluk, hayoko 'bisikhe meke iti ageikhe here'isigidegat mothogon hagakhe dogono.

1 Petrus 4:7

Yi meke ti meke tha'bokhogonat ilugun oba hagatlasigin meke horogat asi aga iluk, sembayan ekhe dogouogoluk, hinetaiken thebekhogon dogolik, hinobabut hebelogo dogono.

1 Petrus 5:8

At Iblis, hinathili meke etnogo nen, singa yeke helo anini weak meke yi meke ti meke haumhogo nagaluk ane ke agan herarik nekherek iti hak, “Tha hak weagatdigin,” iluk herakhinabik liliogo iti, hinobabut hebelogo hinileken hanorogon dogono o.

1 Yohanes 2:28

Na'buri o. Kristus wisigin itinem ebe wagunem, nit ninekarli ageidek, ninayuk degat, at elokhoma apma ukuok nen, hit at hinom hunik motok dogono o.

Yudas 1:24

Hit ninopase Allah obatne werek erlok hakhisik dogosak meke oba lagunem, hinisok a'bit dikhogon warigidek hanorogo hakhisik dogoluk nen, at ebe hogorariogeima etoma, wene hinoba 'bigidegat, hinakla arleken akhekhe korlek menogo erlok 'binagei ligin meke iti, heagei wakhe dogouok o.

A'bikaka 11:4

It ap inebe pere iti, o zaitun pere inom, lampu yibakharek meke isok tilik pere meke inom, ninopase Etagapogot yi meke ti meke tha'bokhogonat iteerek welagarek meke etnogo elokhoma welageikharek meke emenogo, it ap inebe pere itiat o.

A'bikaka 7:9

Itithogon higirik oba nen, oporlik nileken hisigirik nen, yi akhuni ti akhuni inukuloak etaga tomok, inoado tomok, inai tomok, inane tomok, inasu kut uatek ugu meke, akhuni nen etai wakhe dogolik, ya'beka thoporlogo inikimoke waganharek iti hak, oka meke inikimoke wolok, Allah kok welagarekma obolukmo etoma Domba Eak ipisak welageikharekma iniloba natogorlek inebe hurli yi baga iluk, iniki wenasusak motok erlok dek dogolik, inane kokhogon men ekhe lageikha, “Ninopase Allah kok hobolukmo welagatek meke, u a e, Eak hipisak, u a e, Tilninakherek erlo, u a e, Hirat welagathep, u a e,” iluk etai wakhe lageikha hisigi o.

A'bikaka 8:2

Itithogon welagama nen, yabokane nileken lakhigi meke, malaikat inebe 7 baga Allah nen pikon ane kok meke hakene ebe 7 baga nenat wogeisasikhemo, at elokhoma metek werekma lageisigi.