An nane eberogonat yokhisak. Pogot inom, agat inom, aban dek ageidek werek korlek ya, wene Allah nen ninasuk wakhikhe meke iti, holal herlekha'bugat murluban al hakene inom, inisiken opakiat hakene inom, dek ageidek motok tha'bokhogon eberogonat hagatlasigin o.
Itithogon ukiriogei meke re, pogot inom, agat inom dek asigin mekeat he, wene Allah nen ninasuk wakhikhe meke iti opakiat ilugun hemurlugat ageikhe dek asigin motok dek o.
Meke re, Ninoe Etagapogot ane iti motok dogogin o,” iluk isikhemo holal waganogo 'bisukha iti. At ane iti ebe re, nit nen hano wene yokhisogorek itiat o.
Itithogon higirik oba nen, yabokane, ap koktek welagarekma inobolukmo kok kut meke werekma, at ebe etoma kok welaga higi. Itithogon werekma pogot, agat, tha'bokhogonat, at agorlerogon dek atlukmo nogo nen he, yabokane inileken hausak degat aga laga higi.