Lukas 21:23 - ALLAH ANE WENW KET MEKE WAROGO WOKNINAKHIKHE WENE

²³ Itinem he, o yoma motok wiik-weakhogon hagarinakhik, Allah akla aga akhuni yoma inoba 'bigik, hagatlasigin iti nen, it humi ineagei inakla meke inom, ineagei ket itago inirlak aban niliogei meke inom, weak hugun iti, eiye! Nakmu lak e!

Lukas 21:23 Iomraidhean Croise

Matius 21:16

Yesus men yogokhukha, “It yekerugi iliogei iti hasuk holhe lagan a?” iluk yogokhukhama, at nen, “I o. Holhe lagei o. Nen, wene men iluk holal waganek werek etnogo hit nen etaga thalhidek welagap nogo? It nen Allah hogorakhe dogolik, Hat hebe hanorogon hogothakhe dogoagaluk, yekerugi ket itago meke men, irlak aban niliogei meke men, motok yakulisegenma higi, iluk isukhama, holal waganek iti hit nen etaga thalhidek welagap nogo?” iluk yogeisasikhesik,

Matius 21:41

it nen, “Ap aagat iteerek meke iti witluk, it inobabut weak meke etoma motok tha'bokhogonat inatluk, anggur ai yagoma iti therogo dogolik, eken arat horle agunem palogo wogosi laga dogoagaluk, ap ninat meke ageikhe inayoko 'busagat o,” iluk yogokhukha.

Matius 21:44

Ap tha nen helekit iti baga kat usa'aga halok, ebe motok wuleleken tiologo 'bigin o. Nen, helekit iti tha obat thebeli aga halok he, ebe motok al debelogo wasigin o,”]

Matius 24:19

Itithogon dageikhe dogolik, it humi ineak akla meke iti men, ineagei ket itago irlak aban niliogei meke iti men, weak hugun iti, eiye! Nakmu lak e!

Markus 13:17

Itithogon dageikhe dogolik, it humi ineagei inakla meke men, ineagei ket itago meke inirlak aban niliogei meke iti men, weak hugun iti, eiye! Nakmu lak e.

Lukas 19:27

Itithogon yogeisasikhesik, It ap an ninom inathili meke hakene hagatnakhasik ekhe dogolik, At iti nit ninoe kok etagapogot dogosak nina'it, iluk ega meke iti inebe wogosik witluk nen, an nil oba yaat inasubageik o, iluk yogeisasikhe,” iluk at Yesus nen akhuni emenogo yogeisasikhe.

Lukas 19:43

Allah nen hanothinabigiluk hinoba waga mekeat, hit hutdigidek welagap iti nen, hit yabokane hinaila nen lo dukhi launogo iluk, hit hinathili meke nen leget dagakhogon halogo 'binagaluk nen, ebelak ebelak nen hobothisalok, hop-hop ukisugun o. Ukitluk nen, hinai helekit meke thapapal halek ethoma ageikhe obolukmo halek thogotdigidek misalhe dogolik hinebe motok tha'bokhogonat hina'buri hinom wuleleken tagalogo hinasugun o,” iluk uak de ageikhe.

Lukas 23:29

Yabokane weak asigin werek. Itinem, it akhuni nen ekhe dogolik, Humi abirli meke, ineagei itaginakhidek meke, inirlak ukul elege inape apusu nikidek meke, iti anek he, inakla arleken akhausak hakene o, ugun.

1 Korintus 7:26

Nit o yogotak weak welago ya baga dogolik, ninebe tomok welago hagat dogosak o, iluk apekhe lagei.

1 Tesalonika 2:16

Allah nen it akhuni itikman meke tilinabuagaluk nit nen hano wene yogeisilik lagunem, akhuni inagolak palharek hak, it nen, “Wene hano wene iti yogeisausak dek,” iluk wene paliogei iti o. Itithogon hagakhe dogolik, hibiku-yogoku weak hagakharek mekeat obarluk hagariogei iti nen, Allah akla aga dageiluk, ukum kok meke inoba 'bekhe iti o.

Ibrani 13:16

Itithogon ekhe dogolik, akhuni aperek hano hagarinakhik, yomageisigik, hagakhe dogouok. Itithogon hagakhe dogosak iti, Allah akla hanorogo kambing sapi warekhe dogou hagatma, obarlikmatdusak motok dek o.

Yakobus 5:1

Hit ap koktek meke nagarlak lak. Yabokane Allah nen weagathinakhunem yi aik ti aik hekhe dogogun iti nen, di ago de ago dogobageik iluk yokhisigi iti hinasuk holino o.

1 Petrus 4:17

Allah nen ninitema waganogo wene ninoba 'bigik, kokhik, hagasigin iti arat horogat asi aga. Itithogon hagakhe dogolik, nit Allah a'buri meke tak ninitema waganogo wene ninoba 'bigik, kokhik, hagasigin halok, yabokane it akhuni aperek Allah ane hano wene waganhidek meke nitithogon hagarinabigin apegep?