Lukas 21:10 - ALLAH ANE WENW KET MEKE WAROGO WOKNINAKHIKHE WENE

¹⁰ Itithogon yogeisasikhesik nen, wene ageikhe men yogeisasikhe, “Akhuni inukuloak etaga tomok wim kagalhik, ap inetagapogot inagarumi inapma meke tomok wim kagalhik, kagaldiluk yakhe korlek,

Lukas 21:10 Iomraidhean Croise

Markus 13:8

Yi akhuni ti akhuni inukuloak etaga dopok wim kagalhik, ap inetagapogot inagarumi inapma meke dopok wim kagalhik, hagasugun. Wim kagalhunem, yi ai ti ai dugul luk-lagathigik, hipiri no ageik, hagatlasigin mekeat he, iti, humi ineagei itaginabuogoluk hinet wakharek iti hak, alebageik hugun itiat o.

Lukas 21:11

dugul kok inayuk meke luk-lagathigik, o yi ai ti ai hipiri motok no ageik, u obabut weak meke inoba ageik, yi meke ti meke inayuk meke hagatlageik, pogot oba nen hagasusak dek meke elalageik, hagasigin o.

Lukas 21:9

It aperek nen, Wim yabiogei, igik, Inebe opakiat meke nen horlim kagalogo mukhogo ula'isiliogei, igik, iluk isi halok he,hinakmaken lalok hinetaiken aborlok ugup o. Alebageik itithogon hagatlasigin mekeat he, o ilugun hurli baga hagatlasigin meke iti ibat hagatlasigin dek o,” iluk yogeisasikhe.

La'isasikhe 11:28

It wagoukha iti meke, ap ageikhe etaga Agabus iti, Allah Agoreke nen akla kagalhikhemo, melageikhesiknen men yogeisasikhe, “O yi ai ti ai tha'bokhogonat hipiri no kogat hugun o,” iluk yogeisasikhe. Yogeisasikhe iti, ebe ap etaga Klaudius ebe kok dogolik hagasik werekma hagatlageikhe iti.

Ibrani 12:27

Itithogon “Opaki hasigat aborlogothagein,” iluk isikhe iti, aborlok usak dek a'bet meke dogoagaluk thogotdiluk, pogot agat at nen winametdisikhe meke tha'bokhogonat aborlogothagein iluk isikhe iti.