Lukas 20:4 - ALLAH ANE WENW KET MEKE WAROGO WOKNINAKHIKHE WENE

⁴ At Yohanes nen ima usa'isekhe lageikhe etnogo re, Allah pogot oba meke nen yogokhikhemo usa'isekhe lageikhe a? At he, akhuni agat oba meke nen yogokhukhama usa'isekhe lageikhe a. Yoknitni ta,” iluk yogeisasikhemo,

Lukas 20:4 Iomraidhean Croise

Lukas 15:18

Halok he, an yabokane yoma nen nopase oba lalok nen, men yogosigin, Nopase! At Allah pogot oba meke iti men, hat men, hinil damelogo weak motok hagakhi o.

Lukas 20:3

at Yesus nen, “An meneke, hit nen yoknisubageik nen iluk, hinok opakiat wokhisagat o.

Lukas 20:5

it-it ekhe dogolik, “Allah pogot oba meke nen yogokhikhemo usa'isekhe lageikhe, iluk yogosumo, at nen, Halok he, hit nen Yohanes ane eberogonat iluk hutdigidek welagagip iti nenaluk, iluk yoknisaunogo.

Yohanes 1:6

O liatninakherek meke iti ilu meke nen abok yoknisoagaluk, ap etaga Yohanes iti Allah nen ayoko 'biluk la'i ageikhe. La'i ageikhemo wageikhe iti, o liatninakherek meke iti, abok yogeisugunem, akhuni tha'bokhogonat inetaiken at oba hakotduagaluk wageikhe iti.