Lukas 20:21 - ALLAH ANE WENW KET MEKE WAROGO WOKNINAKHIKHE WENE

²¹ La'isa agoukhama Yesus oba wagoukhasik nen, hinok waganhe dogolik, men yogokhukha, “Noe! Hat wene igik, yakulisigik, hagakhe lagan iti, eberogonat anek ekhe dogolik, akhuni aperek helokhoma 'bisigik, aperek hoporlike 'bisigik, hagakhethek dek. Hane mothogon ekhe dogolik, Allah akla nen, Akhuni nen yigithogon tigithogon hagakhe dogoak, iluk akla apekherek meke eberogonat yakulnisekhe lagan iti, nit ninilu o.

Lukas 20:21 Iomraidhean Croise

Matius 22:16

Abok palhe lagoukhasik nen, ap it inagarumi inane waganhe lagoukha meke inom, it ap Herodes werekmake meke inom, Yesus oba wene hinok waganuagaluk la'isa agoukhama it wagoukhasik nen, men yogokhukha, “Yesus noe. Hat hobabut wene eberogonat anek ekhe dogolik, Allah akla nen, Akhuni yigithogon hagakhe dogoak, iluk apekherek meke eberogonat yakulnisekhe lagan iti nit ninilu o. Akhuni inebe hayuk degat dogolik inelokhoken oba anek hisalok, ageikhe helokhoma 'bisigik, ageikhe hoporlike 'bisigik, hagakhetek dek heekhe lago.

Markus 12:14

La'isa agoukhama wagoukhasik, men yogokhukha, “Noe. Hat hobabut wene eberogonat anek ekhe dogolik, akhuni inelokhoken oba naek 'birisalok, aperek helokhoma 'bisigik, aperek hoporlike 'bisigik, hagakhetek dek. Inebe hayuk degat dogolik, Allah akla nen, Akhuni itithogon hagakhe dogoak, iluk apekherek meke eberogonat anek yakulnisekhe lagan iti nit ninilu o. Halok he, nit Yahudi meke hagakhorek mothogonat, uang pemerintah hasik, kok etagapogot Kaisar wogosusak erlok a? Erlok dek a. Wogokhe dogouok a? Thogotdekhe dogouok a,” iluk hinok waganhukhama,

Lukas 20:20

Huk agoukhasik yabokane, at nen ane igin oba wene 'biluk, at gubernur akhuni hagasik dogolik ukum inoba 'bigik, kokhik, hagakherek iteerek meke nen wene oba 'buagaluk, ap aperek inobabut hano thalek Yesus inileken waganhe dogoagaluk la'isa agoukha.

Lukas 20:22

Halok he, nit akhuni Yahudi meke hagakhorek tak-tagat, uang pemerintah hasik, kok etagapogot Kaisar wogosusak erlok a? Erlok dek a,” iluk yogokhukhama,

Yohanes 3:2

Nen, ap iti o hibako iniki ageikhe baga Yesus oba wageikhesik nen, men yogokhikhe, “Noe. Ap ageikhe Allah ipisak hunik dek halok he, hat nen elalin meke hagarik nekhe lagan iti hak, hagasusak motok erlok dek. Iti nen, hat nen wene yakulnisoagaluk Allah nen la'agei agama wagan iluk ninilu aga,” iluk yogokhikhe.

2 Korintus 2:17

It akhuni aperek inebe doalegat nen, yi meke ti meke oko hau wolok lageikharek hak, Allah ane itithogonat wolok lageikharek. Meke re, nit anek he, itithogon dek. Allah nen, at ane wolok loagaluk ninayoko 'bisikhe iti nen, at il obaat ninetaiken opakiat Kristus ninom hunigat dogolik, yogeisilik laga lago o.

Galatia 1:10

An nane igi iti, akhuni nen, “Hat hano egen,” iluk yoknesuagaluk ekhe lagei a? At he, Allah nen, “Hat hano egen,” iluk, yoknesuagaluk ekhe lagei a. Akhuni inakla hanorogo ekhe lagei halok he, an nebe Kristus atuaneke usak degat o. Meke re, an Allah akla hanorogo ekhe lagei o.

Galatia 2:6

It aperek inakla nen, “Inetaga koktek werek he, irat,” egarek meke iti nen wene an yogeisilik nekherek meke etnogo yabokane ninat yogeisilik nekhe dogoak nen iluk yoknikhidegat. Allah nen akhuni inoado itikmanke anek ileken hisalok nen, “Yi weak. Yi hano,” iluk ekherek dek iti nen, an it iti inobasik alebat inetaga koktek welageikha meke a? Dek meke a, iluk, wene munini ebekhe lagagi dek iti.