Lukas 2:9 - ALLAH ANE WENW KET MEKE WAROGO WOKNINAKHIKHE WENE

⁹ Itithogon werekma eranogo, ninopase Etagapogot agot malaikat pogot oba nen yoko la'isa agarek meke ageikhe ka nen heat wageikhesik inaliluke melagunem, ninopase Etagapogot hogorakharek meke a'bi'bal inoba yago 'bisasikhemo, it inayuk motok weak agoukha.

Lukas 2:9 Iomraidhean Croise

Matius 1:20

Itithogon apasi werekma, hibako noge isinem at malaikat Allah nen pogot oba nen yoko usa'isa agarek meke ageikhe oba wageikhesik nen, men yogokhikhe, “Yusuf Daud a'but yi. Hat horlak Maria iti waganu na'it, iluk hakla apugun o. Eak iti Allah Agoreke nenat akmatdekhemo. Halok he, waganino.

Lukas 1:28

La'i ageikhemo, at malaikat horlak etnogo baga wageikhesik nen, men yogokhikhe, “Maria neru o! Allah nen hano motok meke wokhesigiluk hipisak welagap o,” iluk yogokhikhemo

Lukas 2:8

Eta mot-mot, o Betlehem aliluke etoma, it ap domba hagasik welageikharek meke aperek hibako inadomba hagasik welagoukha.

Lukas 24:4

Warek ebe dekma hasukhasik nen, “Yi nikithogon hagatlagama,” iluk inobakha palatluk inakla munini ebekhunem, ap inebe pere inasu a'bi'bal weak meke ugu, it humi inil oba eranogo ka nen heat inalilu melasi agoukha.

Yohanes 12:41

At Yesaya nen wene itithogon isikhe iti, at Yesus yabokane hagakhunem ebe hogorasugun meke hasik ileken hasikhesik nen, at abok isikhe iti.

La'isasikhe 12:7

Itithogon werekma, malaikat ninoe Etagapogot nen yoko usa'isa agarek meke emenogo ageikhe koma nen wageikhe heat etoma melasi usa'agunem, o kakok agorekma etnogo motok lia ageikhe. Itithogon lia ageikhemo, at malaikat etnogo nen he, Petrus iluk asuagaluk aborlogotdekhe dogolik, men yogokhikhe, “Ibat hiluk asin,” iluk yogokhikhemo melagunem, pisuemaken etnogo iki baga nen abusagat hiakhogon usasikhe.

La'isasikhe 5:19

'Bisasukhama, werekma nen, malaikat ninoe Etagapogot nen yoko usa'isa agarek meke emenogo ageikhe hibako usa'ageikhesik nen, o akhuni iniki herle warek 'bisegarekma, thu larek meke hualogo nen inebe wogosik dukhi ageikhe.

2 Korintus 3:18

Inileken inamukhak oba it akhuni aperek inebe ekagat lageisegarek iti hak, nit tha'bokhogonat ninelokhoken sapumeke laberek dekma, akhuni nen ninoe Etagapogot hogorakharek meke iti amukhak negen inileken laknisiliogei. Nit ninebe at ninoe hakene asuagaluk, eran-alep hagatninakho motok werekma, hogotninabusak negen aga lago. At Allah Agoreke iti ebe Etagapogot atma, at nenat hagatninabiogo.

2 Korintus 4:6

At Allah nen ekhe dogolik, “O mum iti akla nen lia atnek,” iluk isikhe iti hak, at nenat nit ninakla mum meke iti liatninakhikhemo welago. Itithogon dogolik, at Kristus elokhoken a'bi'bal yakhunem ninileken lakhalok nen, at Allah hogorakharek meke etnogo ebe itigirlik iluk hutdekhe dogoagaluk itithogon liatninakhikhe.

1 Timotius 3:16

Wene iti, nit Allah apma dogolik eberogonat iluk apogorek wene limago welageikhe meke Allah nenat thelekmatdisikhemo, “Wene iti kok,” iluk pakhogon ekhe lago. Wene iti re, At Kristus ebe akhuniat winam ageikhe o. At Allah Agoreke nen, “At Kristus iti eberogonat,” iluk thelekmatdisikhe o. It malaikat Allah nen yoko usa'isa agarek meke inileken hasukhaat o. Agarumi nen at hagakhe lageikhe wene etnogo yi akhuni ti akhuni itikmanke meke yogeisilik lagoukha o. Akhuni o yi ai ti ai agat oba meke aperek doalegat nen, “At ebe eberogonat,” iluk inetaiken at oba hakotdisukha o. Allah nen pogot oba hogorakho motok welageikharekma lia'isikhemo welagarek o. Wene iti re, at Allah nenat thelekmatdisikhemo pakhogon ekhe lago o.

Ibrani 12:21

Motok inayuk meke inileken hasukhasik inane obatnerogon itithogon kino isukhama, at Musa nen, men yogeisasikhe, “An meneke, nayuk nen noageleke dik-dik hagakhe lagei o,” iluk yogeisasikhe.

A'bikaka 18:1

Itithogon yoknekhesik oba nen yabokane, at malaikat ninat meke ageikhe pogot oba nen usagunem lakhigi. At iti obatne horleak dogolik, isagal yago lagarek hak, a'bi'bal yago akhuni agat oba meke tha'bokhogonat inoba yibarlogo 'bekhe laga higi.

A'bikaka 20:11

Itithogon higirik oba nen, yabokane, ap koktek welagarekma inobolukmo kok kut meke werekma, at ebe etoma kok welaga higi. Itithogon werekma pogot, agat, tha'bokhogonat, at agorlerogon dek atlukmo nogo nen he, yabokane inileken hausak degat aga laga higi.