Lukas 2:51 - ALLAH ANE WENW KET MEKE WAROGO WOKNINAKHIKHE WENE

⁵¹ Itithogon iluk, at Yesus agosa opase inom o Nazaret dagei agoukhasik dogolik, at agosa opase inane hanorogon hologo hagakhe lageikhe. Nen, agosa nen, wene emenogo tha'bokhogon etaikenma waganhikhesik eberek motok welageikhe.

Lukas 2:51 Iomraidhean Croise

Matius 12:46

At Yesus akhuni doalegat inom dogolik wene yogeisekho werekma, at agosa inom, agarumi inom, wene yogosuogoluk oba wagoukhasik nen, okutlu welagoukha.

Matius 3:15

Yogokhikhemo, at Yesus nen, “An usa'anusagat o. At Allah nenat yi hasik ti hasik itithogon hagasuagaluk apekherek tak-tagat hagatnabusak o,” iluk isikhemo, “I o,” iluk

Markus 1:9

At Yohanes nen wene itithogon yogeisugunem, at Yesus Galilea eloke o etaga Nazaret etoma nen oba usasikhemo, i Yordan ima usa'isikhe.

Markus 6:3

At ebe he Maria eak o halherek meke etnogo dek? Agarumi oporlik meke, Yakobus men, Yoses men, Yudas men, Simon men, apigi. Nen, erugi nit ninom welago yoma dek?” iluk inakla meanetdisukhasik kolelogo thogotdisukha.

Lukas 18:37

Hinok waganhikhemo, it akhuni nen, men yogokhukha, “Dek o. Yesus ai Nazaret meke etnogo holak yike wiriogo nen iliogei o,” iluk yogokhukhama,

Lukas 2:19

Meke re, at he Maria etnogo anek, wene isukha meke etnogo etaikenma waganhikhesik ebekho motok welageikhe.

Lukas 2:39

Ninopase Etagapogot nen ninasuk wakhikhe meke holal waganhukha etnogo tak-tagat Yesus agosa opase itithogonat arat hagakhukhasik nen, inaila i Galilea ima o ukul etaga Nazaret etnogo dagei agoukha.

Lukas 4:16

Itithogon hogorakhe korlek, at Yesus o Nazaret ebe arlue ageikhe baga lageikhe. Lageikhesik, at hagakhe lageikhe hagat, iniki 7 baga Allah hasik werlegat dogolik, sembayan uogoluk o akhuni Yahudi meke sembayan egarekma ukisikhesik, Allah ane holal waganek meke etaga thalhe dogolik yakulisagaluk melageikhe.

Lukas 4:23

Itithogon hogorakhukhama, at Yesus nen, men yogeisasikhe, “Akhuni nen hibiku-yogokuat ekhe dogolik, Hat hebe ap dokter hakene ethoma re, hoba u iti hekaerek nen hagaran o, iluk egarek meke, hit nen dagakhogon an yoknesugun higi. Itithogon yoknetluk, O Kapernaum hagakhe lagan meke holhe lago iti hak, yogotak hekaerek hai yoma itithogonat ageikhe hagasin o, iluk, yoknesuogoluk ekhe lagap higi,” iluk itithogon yogeisasikhesik nen, ageikhe men yogeisasikhe,

Efesus 5:21

Allah itithogon heagei wakhe dogolik, Kristus alon halhe dogolik, hit-hit ageikhe nenat ageikhe apma dogolik inane hologo hagakhe dogono.

1 Petrus 2:21

At Kristus ebe hit hinobasik yi aik ti aik hilik hilik watlageikhe iti nen, hit meneke, at obabut waganogo yi aik ti aik hinoba 'binagouagaluk Allah nen hinayoko 'bisikhe iti.