Lukas 2:46 - ALLAH ANE WENW KET MEKE WAROGO WOKNINAKHIKHE WENE

⁴⁶ Usasukhasik herarik nekhe lagoukhasik, noge iniki pere iluk nen, yabokane iniki ageikhe nen 'bikhasukha meke, at ebe Allah ai halekma ukisikhesik, it ap Allah ane yakulisekhe lagoukha meke emenogo inom inakla hurek dogolik, it emenogo inane isinem asuk holhik, it nen isinem at nen hinok waganhik, hagakhunem herakhukha.

Lukas 2:46 Iomraidhean Croise

Matius 12:40

At Yunus iti ikan kok elabut akla werek korlek, o hi ageik, wi ageik, hagakhe korlek iki henagan welageikhe o. Iti hakeneat, an abat itaklasi agagi etnogo, agat akla o hi ageik, wi ageik, hagakhe korlek, niki henaganat dogogin o.

Matius 16:21

Hurli iti hurli nen, at Yesus nen agarumi ane waganhe lagoukha meke emenogo at yabokane hagasigin meke pakhogon men yogeisasikhe, “An o Yerusalem eloma lausak welagei o. Laumo it ap inarluetek emenogo men, Allah iteerek meke inougi koktek men, Allah ane holal waganek iteerek meke men, inom nen, yi aik ti aik doalegat hagatnabiluk nebe nasugun o. Nasumo nen, niki pere nebe warek dogoluk nen, niki ageikhe baga yi nen, Allah nen nilugutnabigin o,” iluk pakhogon yogeisasikhe.

Lukas 2:47

Itithogon hagakhe dogolik, it nen hinok waganhunem, at wene motok ilu dogolik oko yogeisasikhemo iti nen, it ap natogorlek welagoukha meke emenogo tha'bokhogonat ane inasuk holhukhasik, “Nayuk e!” iluk hogorakhukha.

Lukas 5:17

Iniki ageikhe baga, at Yesus wene yakulisekho werekma, it ap Farisi meke inom, ap Allah ane holal waganek meke yakulisekhe lagoukha meke inom, inai o Galilea eloke nen, Yudea nen, kota Yerusalem nen, oba wagoukhasik inasuk holek hurek werekma, ninopase Etagapogot nen akhuni u weak meke Yesus nen hagarinakhe dogoagaluk obatne wogokhe korlek hano hagarinakhe lageikhe.

Yohanes 3:10

at Yesus nen, men yogokhikhe, “Noe. Hat hebe, akhuni Yahudi meke wene yakulisegetek mekeat, an nen wene yokhikhi iti hutdigidek welagan a? E a.

La'isasikhe 5:34

Inasuogoluk hagakhukha mekeat he, ap ageikhe it Farisi meke inawene hago dogolik, it inom wene erlo pilinekhe lagoukha meke etaga Gamaliel. Ap iti wene Allah nen inasuk wakhikhe wene etnogo yakulisugunem, akhuni tha'bokhogonat nen, “At hano,” iluk inane hanorogon yogokhe lagoukha meke. At iti melageikhesik nen, men yogeisasikhe, “Ap iniki herle warek meke yi, elanma hasik itikmanke dogoak nen ula'isani,” iluk yogeisasikhe.

1 Timotius 1:7

It iti nen he, “Wene Allah nen ninasuk wakhikhe wene etnogo, nit nen yakulisekhe dogogun,” iluk warlok nen yakulisekhe dogoligat he, wene ebe hutdigidek inokodek dogoligat, “Wene ebe yigithogon o. Eberogonat hutukhogon yakulisogo,” iluk iliogei mekeat he, hutdigidegat iliogei iti o.