Lukas 2:27 - ALLAH ANE WENW KET MEKE WAROGO WOKNINAKHIKHE WENE

²⁷ at Simeon etnogo Allah Agoreke oba motok dogolik, Allah ai halekma ukiluk werekma, Yesus agosa opase ipisak Allah nen isikhe meke holal waganek welageikhe meke etnogo tak-tagat hagasuogoluk, Yesus itago etnogo wolok ukisukha.

Lukas 2:27 Iomraidhean Croise

Matius 4:1

Ima usa'isikhemo, Yesus Iblis nen akla kagaluagaluk, Allah Agoreke nen wolok o limo akhuni dekma etoma lageikhe.

Lukas 2:22

Etaga arat thalhukhasik, Allah nen haganeat Musa yogokhikhemo, at nen ekhe dogolik, “Humi ineagei itaginabiluk nen, noge iniki itithogon iluk nen holak dukhusak,” iluk isikhe etnogo tak-tagat, noge itithogon isukhasik, elege ket itago etnogo ninopase Etagapogot wogosuogoluk wolok o Yerusalem wagoukha.

Lukas 2:28

Ukisukhama, Yesus itago etnogo Simeon agamo waganhikhesik nen, Allah etaga hogorakhe dogolik men isikhe,

Lukas 2:41

Tahun ebe tomok mo dageigik, usigik, hagakhe korlek, Yesus agosa opase ipisak, domba warogo pesta Paskah isago nuogoluk o Yerusalem usa lagoukha.

Lukas 2:48

Itithogon hogorakhunem, it at agosa opase ipisak nen ebe arat herakhukhasik nen, “Nayuk o!” iluk hogorakhukhasik, at agosa nen, “Neak, hat yigithogon hagatninakhen nenaluk. Hopase nipisak ninobakha palatluk herakhabik nekhe lago yi hileken nisan o,” iluk itithogon yogokhikhemo

Lukas 2:51

Itithogon iluk, at Yesus agosa opase inom o Nazaret dagei agoukhasik dogolik, at agosa opase inane hanorogon hologo hagakhe lageikhe. Nen, agosa nen, wene emenogo tha'bokhogon etaikenma waganhikhesik eberek motok welageikhe.

Lukas 4:1

At Yesus i Yordan ima usasinem, Allah Agoreke akla kerlekhogon ukisikhemo dukhi ageikhesik lagunem, at Allah Agoreke nen ebe wolok, o limo akhuni dekma etoma lageikhe.

La'isasikhe 10:19

Hinok waganhunem, at Petrus etnogo a'bikaka hasikhe meke etnogo, “Ebe nena meke higi,” iluk akla ebekhoat werekma, Allah Agoreke nen, “Ap inebe henagan meke herakhabik wageikhasik werek o.

La'isasikhe 11:12

Wageikhama nen, Allah Agoreke nen an men yoknekhe, Ninom lausak erlok dek, iluk hakla wene munini ebekhidegat, hinom lano o, iluk yoknekhe. Itithogon yoknekhemo nen, it Allah a'buri o Yope meke inebe 6 oba wageikhasik yoma werek yi ninomat o Kaisarea lago. Lagosik, nit tha'bokhogonat ap Kornelius aila ukogo.

La'isasikhe 16:7

o Misia witluk, etoma nen, o Bitinia luogoluk hagakhukha mekeat he, Allah Agoreke nen, “O etoma lausak dek o,” iluk inakla kagalhikhe.

La'isasikhe 8:29

Itithogon etaga thalik usasi korlek, at Allah Agoreke nen Filipus yogokhe dogolik, “Kereta oto hakene iti usasinem ae hakha lalok oba horokhogon lan o,” iluk yogokhikhe.

Galatia 4:4

Werekma, at Allah nen a'but ayoko 'biluk agat oba la'isusak arat asi ageikhemo, la'i ageikhemo, he agat oba meke nenat itakhikhe. Itithogon itakhikhemo, wene Allah nen ninasuk wakhikhe wene etnogo apma dogolik asuk hologo hagakhe lageikhe.

A'bikaka 1:10

Itithogon 'bani ageikhama werekma, o ninoe Etagapogot ai wi ekhemo nen, Allah Agoreke noba duk ekhemo, noporlike nen at ageikhe ane pikon witabo kok meke ane hakene baga nen, men yoknikhunem nasuk holhi,

A'bikaka 17:3

Itithogon yoknikhunem, Allah Agoreke noba duk i agama, at malaikat etnogo nen woknarik, o akhuni dekma limo laga. Itithogon woknarik lagama eloma dogolik, lakhigi meke, he etnogo helo yeke hakene kok isi morla pimut hakene meke apot oba yasukhogon lagunem lakhigi. Helo yeke hakene iti ukuloak, 7 baga, nen, aik ukuloak oba, 10 nen ulabek, nen, ebe obake, Allah etaga wiik-weakhogon hagasusak meke holal kirlik-kerlekhogon waganek meke lakhigi.