Lukas 2:14 - ALLAH ANE WENW KET MEKE WAROGO WOKNINAKHIKHE WENE

¹⁴ “It pogot oba upuke welageikharek meke nen, ninopase Allah itiat hogorakhe dogoak o. Nen, it akhuni agat oba yoma inebe Alla oba hotok ekherek meke inetaiken hapukhogon dogoak o,” iluk isukha.

Lukas 2:14 Iomraidhean Croise

Matius 21:9

Itithogon 'bilik laga dogolik, at Yesus ebe turlumotdiluk, it aperek alebageik lageik, it aperek oporlik lageik, laga dogolik, inane kokhogon men ilik lagoukha, “Daud nen itago meke, noe wa! Wa! Wa!” iluk u hak, “Hosana! Ninopase Etagapogot Allah nen la'agei agama wagan yi, at nenat hanothabuak o. Allah kok pogot oba welagarek meke nopase wa!” u hak, “Hosana!” iluk amitmit luk-luk ilik ilik, o Yerusalem ukisukha.

Lukas 1:79

O mummo dogolik watlasusak iti ninayuk, iluk apiliogei etnogo o lia hagarogo 'bisigik, ninobakhe palek ninayuk werekma, Holak yi baga hinetaiken hapukhogon lani iluk, yoknisigik, igin o,” iluk Zakharia nen isikhe.

Lukas 19:38

Amitmit suphogon usekhe dogolik men isukha, “Allah nen ninoe kok Etagapogot la'agei agama wagan yi, at nenat hanothabuak o! It pogot oba welageikharek meke etoma inetaiken hapukhogon dogoak o. Nen, Allah kok pogot abel upuke welagarek meke itiat hogorakhe dogouok o,” iluk itithogon ilik-ilik usasukha.

Lukas 2:13

Itithogon yogeisasi korlek eranogoat, malaikat pogot oba meke inebe motok doalegat ka nen heat winam agoukhasik, at malaikat ageikhe etnogo inomat Allah hogorakhe dogolik men isukha,

Lukas 2:15

Itithogon yogeisalok nen, it emenogo thogotdisalok inapuke pogot oba dageikhe korlek it ap domba hagasik welagoukha meke emenogo it-it ekhe dogolik, “Itithogon hagatlagama o, iluk ninopase Etagapogot nen yoknisekhe iti, o Betlehem 'bikha luok o,” iluk isukhasik,

Lukas 3:22

Allah Agoreke thue merpati yogeik negen hitluk oba duk i usa'ageikhe. Itithogon hagakhikhemo, pogot oba nen ane men isikhe, “Hat hebe an na'but netaiken hunik meke. Hat hobasik noba hotok ekhe o,” iluk isikhe.

Yohanes 14:27

Halok he, hit hinetaiken hapukhogon dogoagaluk an netaiken hapukhogon welagarek meke wokhisalok ligin o. Iti akhuni agat oba meke nen wogeisegarek iti hak wokhisagein dek iti nen, hinelabut hisik dogolik hinayuk agup o.

Yohanes 17:4

An nen agat oba yi meke ti meke hagasuagaluk meldanhigin etnogo yabu ebe arat hagakhe lagarik tirliphogonat hagakhi iti baga nen kogotdagagi o.

Yohanes 3:16

Yi akhuni ti akhuni Allah akmu motok nen, inebe inetaiken an noba hakotdugun meke inebe tomok watlatluk nen, nuk ageidek iniluk motok dogoagaluk, a'but an nebe irlagapi itago meke wogeisasikhe.

La'isasikhe 10:36

Meke re, nit akhuni tha'bokhogonat ninoe Etagapogot Yesus Kristus nen dapukhogon 'binanuagaluk, wene hano wene iti, ebe nit akhuni Yahudi meke ninoba la'i ageikhe iti hinilu o.

Roma 5:1

Yogotak nit ninetaiken Allah oba hakotdisugu iti nen, wene ninoba meke korogo wokhalok ninom ninapuke hunogo 'binanhikhemo, ninoe Etagapogot Yesus Kristus hagakhikhe iti baga Allah ninom dapukhogon hano welago.

Efesus 1:6

At obabut hano nen a'but etaiken hunik meke akmu ageidegat woknisasikhe iti hasik, nit nen, “Eiye. Allah nayuk o,” iluk, hogorakhe dogouok o.

Efesus 1:9

At ekaerek itithogon hagatninabu warlok nen, “Itithogon hagarinabigin iti ebe at Kristus nen hagarinabuak,” iluk, wene at akla apasikhe meke limago welageikhesik thelekmaat yoknisasikhe iti o.

Efesus 2:4

Itithogon weagatninabigiluk welageikhe mekeat he, yabokane at obabut hano motok nen, kokhogonat akmutninakhikhe.

Efesus 2:7

At Allah itithogon hagakhikhe iti, o yabokane dogogun iti baga dogolik akhuni nen, “Allah obabut hano motok nen akmutninakhikhe,” iluk ekagat hutdekhe dogoagaluk tilninakhikhe iti, ebe Kristus Yesus oba nenat tilninakhikhe.

Filipi 2:11

Itithogon ukiluk nen, inape baga tomok, ninopase Allah hogorakhe dogolik, “Ninoe Etagapogot Yesus Kristus itiat o,” iluk, pakhogon ugunat iti o.

Kolose 1:20

Yi meke ti meke agat oba meke inom, pogot oba meke inom, tha'bokhogonat Allah inom weak agoukhasik, wim palek hakene werekma, at Allah ekaerek inom dapulogo 'bisasikhe iti ebe, Yesus o baga meldiluk wakhukhama amep ulabogo watlageikhe iti baga dapulogo 'bisasikhe iti o.

2 Tesalonika 2:16

At ninoe Etagapogot Yesus Kristus, ninopase Allah ipisak inobabut hano etnogo nen, inakmutninakhukhasik, ninetaiken aborlok dek motok dogoagaluk ago watdinanhik, hano asigin iluk oba eberek dogoagaluk ninakla kagalhik, hagakharek o.

A'bikaka 5:13

Iti hak, it Allah nen winametdisasikhe meke pogot oba meke inom, agat oba meke inom, wema baga meke inom, i laut yekelekma welagarek meke inom, tha'bokhogonat nen etai wakhe dogolik, “At kok welagarekma obolukmo werek iti, u a e, Eak etnogo ipisagat, u a e, Irat inobatne werek o, u a e, Iluk heagei warinakhik, inalon halinakhik, u a e, Hogorinakhik, hagakho motok dogouok, u a e,” iluk etai wakhunem holhi o.