Lukas 2:11 - ALLAH ANE WENW KET MEKE WAROGO WOKNINAKHIKHE WENE

¹¹ Yogotak tilhinabigin meke kok Etagapogot Kristus etnogo o ap Daud ai welageikhemo etnogo itaklagasik werek o.

Lukas 2:11 Iomraidhean Croise

Matius 1:16

Nen, Yakub nen Yusuf, he Maria agun etnogo itakhik, he Maria nen Yesus, nit nen Kristus ekhe lago etnogo itakhik, erloma nenat itaklarik wagoukha.

Matius 1:21

Eak iti ebe abat itasigin o. Itasumo re, at nen oe agot weak hagariogei meke korogo waganiluk tilinabigin o, iluk etaga Yesus thalino” iluk yogokhikhe.

Matius 16:16

at Simon Petrus etnogo nen, “Hat hebe, Kristus Allah iluk motok welagarek meke a'but, nit tilninabuagaluk at nen la'isigin iluk abok yoknisasikhe etnogoat o,” iluk yogokhikhe.

Matius 16:20

Itithogon yogokhikhesik, at agarumi emenogo tha'bokhogonat men yogeisasikhe, “Hit nen an nebe hasik he, At iti Kristus, Allah nen tilninabuagaluk la'isigin iluk abok yoknisasikhe etnogoat o, iluk akhuni aperek motok yogeisugup o,” iluk inasuk wakhikhe.

Lukas 1:43

Nen, hat hebe an noe Etagapogot agosa nen 'bitnea wagan yi nayuk o!

Lukas 1:69

Tilninabuagaluk at atuaneke Daud nen itago meke obatne werek meke meldekhemo werek yi o.

Lukas 2:26

Itithogon oba duk i ageikhesik, men yogokhikhe, “Hat hebe watlageidek werek korlek, ap kok ageikhe ninopase Etagapogot nen meldiluk la'isigin isikhe etnogo wagunem hileken halok nen watlasigin o” iluk, abok yogokhikhesik nen,

Lukas 2:4

Nen, at Yusuf meneke, Daud opa meke nogo nen, o Galilea eloke ukul etaga Nazaret iti nen, o Yudea ap Daud itaklageikhemo, o ukul etaga Betlehem usagaluk, at Maria ipisak wene warek welagoukha etnogo eak akma werekma, ipisagat inetaga holal waganuagaluk usasukha.

Yohanes 1:41

Yesus oporlik lagoukhasik inom welagoukhasik nen, at Andreas iti tak oe Simon etnogo herarik lageikhesik, ipisak abuk agoukhasik nen, men yogokhikhe, “Mesias etnogo nit arat ninom abuk ago,” iluk yogokhikhe. (Mesias isukha iti, nit ninane baga Kristus Allah nen akhuni tilninabuagaluk la'isigin isikhe etnogo u hak, it inane baga Mesias egarek.)

Yohanes 1:45

Oporlik laga dogolik, at Filipus etnogo nen yabokane Natanael herakhikhesik men yogokhikhe, “Natanael. At Musa nen wene Allah nen ninasuk wakhikhe wene etnogo baga, ap ageikhe abok ekhe dogolik, holal waganhik, nen, it ap Allah ane yogeisekhe lagoukha meke emenogo nen abok ekhe dogolik, holal waganhik, hagakhukha meke etnogo, nit arat herakho. At ebe re, Yusuf a'but o Nazaret meke Yesus at o,” iluk yogokhikhe meke re,

Yohanes 11:27

at Marta nen he, men yogokhikhe, “Noe. Hat hebe Allah a'but Kristus, Allah nen wenago meldiluk la'isigin isukha etnogo, harat iluk, hutdagagi o,” iluk yogokhikhe.

Yohanes 20:31

Itithogon meke re, holal waganek werek yi tha'bokhogonat, hit nen, Yesus iti Allah a'but, nit akhuni tilninabuagaluk wenago la'i ageikhe etnogo eberogonat, iluk hutdiluk hinetaiken at oba hakotdiluk, at etaga palhunem hiniluk dogobageik iluk, holal waganogo 'bigi o.

Yohanes 4:25

Itithogon yogokhikhemo, at he etnogo nen, men yogokhikhe, “Mesias akhuni tilninabuagaluk Allah nen kok etaga Kristus iti la'isigin. La'i agunem ebe witluk yi wene ti wene tha'bokhogonat nit yakulnisekhe dogogin iluk an nilu o,” iluk yogokhikhe.

Yohanes 4:42

he etnogo men yogokhukha, “Yogotak nit ninetaiken at oba hakotdogo yi, wene hat nen yoknisegen iti baga anek ninetaiken at oba hakotdogo 'buk. Dek o. At he, at ebe nen wene yoknisugunem ninekaerek nen ninasuk tomok holhik, Akhuni agat oba meke tha'bokhogonat tilinakherek meke ebe yiat o, iluk hutdiluk ninilu ageik, hagakho iti baga nen ninetaiken at oba hakotdogoat o,” iluk yogokhukha.

Yohanes 6:69

Nit nen, ninoe hat Allah ekaerek hasik meldageiluk, eberogonat at nen la'agei ageikhemo ilu, hutdagagosik ninetaiken hat hoba hakotdiluk welago,” iluk itithogon yogokhikhemo,

Yohanes 7:41

it aperek nen, “Dek o. Akhuni tilninabuagaluk Allah nen la'isigin isikhe etnogoat o,” iluk ekhe lagoukha mekeat, it aperek nen, men isukha, “Akhuni tilninabuagaluk Allah nen, la'isigin isikhe etnogo, o Galilea nen erlok wisusak nogo? Erlok dek o.

La'isasikhe 10:36

Meke re, nit akhuni tha'bokhogonat ninoe Etagapogot Yesus Kristus nen dapukhogon 'binanuagaluk, wene hano wene iti, ebe nit akhuni Yahudi meke ninoba la'i ageikhe iti hinilu o.

La'isasikhe 13:23

Nen ageikhe, alebat at Allah nen, Hit akhuni Israel meke tilhinabuagaluk, at Daud nen itago meke ageikhe wokhisagein, iluk abok yogeisasikhe iti hagat, ebe Yesus meldiluk wogeisasikhe iti.

La'isasikhe 17:3

Allah ane holal waganek etnogo baga thelekmarogo yogeisekhe dogolik, men yogeisekhe lageikhe, “At Kristus Allah nen la'isigin iluk isukha etnogo, yi aik ti aik hilik hilik watlatluk nen, iluk asigin, iluk isukha. It isukha iti hagat, at Yesus hagakhikhe wene abok yokhisekhe lagei meke yi, hagasusak tak-tagat hagakhikhemo. Allah nen la'isigin iluk isukha iti, ebe Yesus itiat o,” iluk yogeisasikhe.

La'isasikhe 2:36

At Yesus ebe hit nen o baga meldiluk wakhepma, at Allah nen, Hinoe Etagapogot Kristus ebe yiat, iluk meldekhemo iti. Halok he, hit akhuni Israel meke tha'bokhogonat nen, Wene iti eberogonat, iluk hinilurogon dogono,” iluk yogeisasikhe.

La'isasikhe 5:31

Ilugutdekhemo werek iti, akhuni Israel meke weak hagariogei meke iti here'isalok inobabut hebelasumo, Allah nen it weak hagakharek meke iti thagalogo degetdisagaluk, Yesus ebe ilugutdekhesik nen, at ebe ninoe Etagapogot dogolik tilninakhe dogoagaluk alilu meldisikhemo werek iti.

1 Korintus 15:47

Allah nen ebekeram ap Adam iti ebe agat abubuleke meke baga winametdisikhesikmo, obabut agat mekeat o. Meke re, ap Adam yabokane meke iti pogot oba nenat wageikhe.

Filipi 2:11

Itithogon ukiluk nen, inape baga tomok, ninopase Allah hogorakhe dogolik, “Ninoe Etagapogot Yesus Kristus itiat o,” iluk, pakhogon ugunat iti o.

Filipi 3:8

Itithogon hutdekhe lagei iti anek 'buk. Noe Etagapogot Yesus Kristus nilu agagi iti hano motogat o. Yi meke ti meke ninat meke hagakhe lagagi iti, weat alomarogo hagakhe lagagimo iluk, hutdekhe lageiat o. At ebe horlalok nen, nipisak hunik motok dogouogoluk, yabu aleke karelogo ulakharek hak, yi meke ti meke alep hagakhe lagagi meke iti, “Weat meke,” iluk here'isasigi iti o. Wene Allah nen ninasuk wakhikhe wene iti baga, nekaerek nen mot hagakhe lagei 'buk. It akhuni aperek inetaiken Kristus oba hakotdisinem, wene inoba meke korogo wokhalok yabokane Allah inom hunogo 'bisekherek hak, an itithogonat netaiken at oba hakotdisigimo, wene noba welageikhe meke korogo wokhasikhe iti o.

Kolose 2:6

Hit nen he, “Kristus Yesus ninoe Etagapogot o,” iluk ebe horlasigip iti nen, hinom hunik motok dogono o. Itithogon dogolik, hinobabut wene yakulhisasukha tak-tagat,

1 Yohanes 4:14

Nit nen he, “Allah nen a'but ninileken hekhe lagagu meke iti nen, nit akhuni agat oba meke tilninabuagaluk la'i ageikhemo,” iluk abok pakhogon yokhisekhe lago.

1 Yohanes 5:1

Akhuni nen he, “Yesus iti Allah nen ayoko 'biluk la'i ageikhe meke eberogonat Kristus etnogoat o,” iluk inetaiken at oba hakotdegarek meke inebe tomok he, Allah nen itaginakhemo, at a'buri werek o. Nen, nit ninopase Allah ninakmurogon dogolik halok he, at a'buri itago meke iti ninakmurogon dogosagat o.