Lukas 19:7 - ALLAH ANE WENW KET MEKE WAROGO WOKNINAKHIKHE WENE

⁷ Yesus ipisak lagunem, it akhuni tha'bokhogonat nen inileken lageisalok, ua palogo inane kurlu-kurlu inabok palhe dogolik, men isukha, “Yesus nen, ap weak hagariogo meke etnogo aila ipisak noge i luogoluk liliogei iti nayuk o!” iluk isukhama mekeat,

Lukas 19:7 Iomraidhean Croise

Matius 20:11

Itithogon wogeisekhe korlek, it emenogo uang waganhe dogolik inobabut ua palek hagakhe dogolik, ap kok ayabu iteerek meke etnogo men yogokhukha,

Matius 20:4

Hisasikhesik, Warligi yi. Hit he, an nayabu anggur yabumo etoma hinomat wagani lani o. Waganumo an nen oko tak-tagat wokhisagein o, iluk yogeisasikhe.

Matius 9:11

Itithogon nasi werekma, it ap Farisi meke nen inileken kola'isalok, it ap Yesus ane waganhe lagoukha meke emenogo men yogeisasukha, “Hit hinoe wene yakulhisiliogo meke ithi, it ap uang pemerintah hasik kino iluk waganharek meke inom, it aperek weak hagarik nekharek meke inom, opakimo hurek latluk hipiri niliogei yi nenaluk,” iluk yogeisasukha.

Lukas 15:2

Itithogon wagoukha meke re, it ap Farisi meke men, it ap Allah ane holal waganek iteerek meke men, inileken 'birisalok inane kurlu-kurlu ekhe dogolik, men isukha, “Ap yi nen akhuni weak hagariogei meke woginakherethek hipiri inom opakimo nekharek iti, nayuk e!” iluk isukhama nen,

Lukas 19:6

at Zakeus etnogo ibat usa'ageikhesik nen, Yesus ebe heagei warogo waganhikhesik, akla arleken akhalok, at aila ipisak lagoukha.

Lukas 19:8

at Zakeus etnogo melageikhesik nen, at ninoe Etagapogot men yogokhikhe, “Noe! An nameke yi meke ti meke tha'bokhogonat tumo heisogon mikirlogo it akhuni inameke dek inerlageik meke iti wogeisagein o. Nen, an nen akhuni nekalat nen nukhetdisigi meke halok he, oko niki 4 oba nen yabokane oba dukhogon wogeisagein o,” iluk yogokhikhe.

Lukas 5:30

Itithogon nasimen, it ap Farisi meke men, it ap Allah ane holal waganek iteerek meke men, at yesus agarumi ane waganhe lagoukha meke emenogo men yogeisasukha, “Hit he, ap uang pemerintah hasik kino iluk waganharek meke inom, it aperek weak hagariogei meke inom, hinom hipiri opakimo neke lagap ethoma nenaluk?” iluk yogeisasukha.

Lukas 7:34

Meke re, an abat itaklasi agagi etnogo anek, hipiri men, anggur eken apusu men, yugunat nilik wagagisikmo nogo nen, hit nen, Lakhani! Ap yi re, hipiri men, anggur eken apusu men, oba la'buk nilik nekhe dogolik, ap pemerintah meke hasik uang kino iluk waganharek meke men, ap weak hagakharek meke men, hunetdakhalok niliogo yi 'bikhani? iluk yoknekhe lagap.

Lukas 7:39

Itithogon hagakhunem, ap Farisi meke nen, Yesus ipisak hipiri nuogoluk ayoko 'bisikhe meke etnogo akla nen men apasikhe, “Ap yi Allah ane yogeisekherek meke dogolepma re, He yi weak hagakherek meke nen iki hakneekhe, iluk ekagat hutdilep o,” iluk itithogon akla apasinem,