Lukas 19:21 - ALLAH ANE WENW KET MEKE WAROGO WOKNINAKHIKHE WENE

²¹ Hat hobabut motok a'bet weak dogolik, hat meke dekmaat, it aperek meke horligik, nen, hat nen ai hilogo la'igidek, it aperek nen ai hilogo la'egarek meke hiki abusak eken palhigik, hagakhethek etnogo nen, hobabut palhirik, nayuk nen hagakhi o, iluk yogokhikhe.

Lukas 19:21 Iomraidhean Croise

Lukas 19:20

It itithogon yogeisasikhemo nen, yabokane at ageikhe wageikhesik nen, men yogokhikhe, Noe. Uang emas kok meke opakiat woknikhigin etnogo an su dikhak hokherek meke akla yilogo hago welagarik nen, wokhesi agei yi o.

Lukas 19:22

Itithogon yogokhikhemo, at ap kok etnogo nen, Nagot. Hat hobabut weak motogat hagakhen o. Hat hane egen iti bagaat wene hoba 'biluk weagathabigin o. An nobabut a'bet weak dogolik, an nen 'bigidek meke horligik, ai an nen yakhidek mekeat, eken palhigik, hagakherekma, nobabut hat hilu halok he,

Roma 8:7

Akhuni inobabut inikhogat dogolik hagakharek meke etnogo oba ebekhe dogolik, Allah apma ukiluk ane holek dogosak erlok dek nen holek welageikharek dek iti nen, at inom weak werek o.

2 Timotius 1:7

Allah nen ninobabut woknisekherek iti, ninayuk werek dogoagaluk woknisekherek 'buk. Ninobatnerogon welageik, akhuni aperek ninakmurogon welageik, ninetaiken thebekhogon welageik, hagakhe dogoagaluk woknisekherek iti o.

Yakobus 2:10

Hit aperek wene Allah nen ninasuk wakhikhe wene etnogo tha'bokhogonat herogo dogoligat, opakiat ageikhe thagalogo usa'egep halok he, “Wene iti tha'bokhogonat thagalogo usa'egebat o,” iluk eberogonat ukum hinoba agama werek o.

1 Yohanes 4:18

Akhuni aperek nen it aperek inom nakmu-hakmurogon dogolik, inayuk dek welageikharek iti nen, yi meke ti meke 'bogokhogon hagakharek iti hak, nit-nit nakmu-hakmurogon hagakhe lago meke iti 'bogokhogon motok hagatlaga dogolik he, ninobabut ninayuk meke iti dek agarek. Meke re, it akhuni aperek inobabut inayuk meke iti, inakla nen he, “Eiye! Allah nen yabokane ukum ninoba 'bigin a? Dek a,” iluk inobabut yukthek welageikharek o. Itithogon welageikharek iti nen, nakmu-hakmurogon hagakharek meke iti inakla hano 'bogokhogon hagatlagarek motok dek o.

Yudas 1:15

Usatluk akhuni tha'bokhogonat wene inoba 'bigik, kokhik, hagakhe dogolik, it akhuni Allah ebe ina'it meke inebe tha'bokhogonat wene inoba 'bigin o. It Allah ebe ina'it dogolik, yi weak ti weak hagariogei meke dopok wene inoba 'bigik, Allah ina'it nen weak hagakhe dogolik inane puk weak at abok weak paliogei meke iti inebe dopok ukum inoba 'bigik, hagasigin o,” iluk isikhe.