Lukas 19:18 - ALLAH ANE WENW KET MEKE WAROGO WOKNINAKHIKHE WENE

¹⁸ Itithogon yogokhikhesikmo, yabokane at ageikhe oporlik wageikhesik nen, men yogokhikhe, Noe! An uang emas kok meke opakiat woknikhigin etnogo baga, an nen yabokane 5 oba lapelogo thabusogo 'bagagima yi o, iluk yogokhikhemo

Lukas 19:18 Iomraidhean Croise

Matius 13:23

Nen, ai agat hanoma hilogo la'isikhe meke iti ebe, it akhuni aperek Allah ane iti inasuk hanorogon holharethek nen, ebe hutukhogon hutdakhugunem, wene iti eken ikheregat o. Erlo ageikhe nen eken 100 ikhik, erlo ageikhe nen eken 60 ikhik, erlo ageikhe nen eken 30 ikhik, ikherek itiat o,” iluk yogeisasikhe.

Matius 25:22

Itithogon yogokhikhesik werekma, yabokane at uang 2.000 waganhikhe meke etnogo oba wageikhesik nen, Noe. Hat nen 2.000 woknikhigin etnogo lakhan. An nen yabokane 2.000 ageikhe inomat lapelogo 'bigima yi o, iluk yogokhikhemo,

Markus 4:20

Nen, ai ageikhe agat hanoma usa'isikhe iti ebe, it akhuni aperek Allah ane iti inasuk holiluk waganharethek nen, wene iti inakla eken ikherek o. Erlo ageikhe nen eken 30 ikhik, erlo ageikhe nen eken 60 ikhik, erlo ageikhe nen eken 100 ikhik, ikherek itiat o,” iluk yogeisasikhe.

Lukas 19:13

Itithogon akla apasikhesik dogolik at atuaneke meke inebe 10 oba waisasikhemo wagoukhama, uang emas kok meke ebe 10 baga inebe tomok opakitek supurogo wogeisekhe dogolik, men yogeisasikhe, An aban wageidek werek korlek, nauang yi baga thabusogo doalek-harluadekhogon hagakhe dogono, iluk yogeisasikhesik nen, at etnogo lageikhe.

Lukas 19:17

at oe etnogo nen, Nagot wa! Hat hobabut hano hagakhe laganma higi o. Herlekha'bugat meke hobabut hupukhogon hagakhe laganma iti nen, yogotak, o kota 10 nen yoma yabokane hat ite dogolik hagasik dogonogoluk arat meldagagi o, iluk yogokhikhe.

Lukas 19:19

at oe etnogo nen, Nagot wa! Halok he, o kota 5 nen yoma yabokane hat ite dogolik hagasik dogonogoluk meldagagi o, iluk yogokhikhe.

2 Korintus 8:12

Hit meke dek meke 'buk. At he, werek meke hinetaiken oba nenat, it iti 'bisagun halok he, at Allah nen, “Hano 'bega,” iluk apagein o.