Lukas 19:11 - ALLAH ANE WENW KET MEKE WAROGO WOKNINAKHIKHE WENE

¹¹ At Yesus nen itithogon yogeisasikhesik, inasuk holek werek korlegat, o Yerusalem arat horokhogon asi lagoukhasik nen, ti akhuni emenogo inakla nen men apasukha, “Allah nen apma 'bisagein iti yogotak yaat 'binanhunem ninileken hugun o,” iluk inakla apasukha iti nen, at Yesus nen wene ageikhe oba lisogon men yogeisasikhe,

Lukas 19:11 Iomraidhean Croise

Lukas 17:20

Itithogon la'isikhemo yabokane, it ap Farisi meke nen, men isukha, “At Allah nen, o meranem at apma 'binani isigin,” iluk hinok waganhukhama, at Yesus nen, men yogeisasikhe, “At Allah apma 'binageiluk wisigin iti re, akhuni nen ageikhe hutduagaluk elalin meke ageikhe inil oba hagakhidek werek korlegat wisigin o.

Lukas 9:51

Itithogon yogeisasikhesik nen, at Yesus ebe Allah nen pogot oba lia'usak arat horok asi ageikhemo, at akla nenat wene munini la'iluk, “O Yerusalem usagein o,” iluk holak waganhikhe.

La'isasikhe 1:6

At Yesus nen wene iti yogeisasikhesik, at agarumi inom natogorlek dogolik, at oba hinok men waganhukha, “Noe. Haganeat nit Yahudi meke ninoe kok apma welagoukha iti hak, yabokane itithogon dogogun meke, yogotak ya bagaat 'binanigin a? Aban a,” iluk yogokhukha.