Lukas 19:10 - ALLAH ANE WENW KET MEKE WAROGO WOKNINAKHIKHE WENE

¹⁰ Tilhinakhemo meke iti, an abat itaklasi agagi etnogo, it akhuni nuk ariogei meke heago tilinabigiluk wagagiat o,” iluk yogeisasikhe.

Lukas 19:10 Iomraidhean Croise

Matius 1:21

Eak iti ebe abat itasigin o. Itasumo re, at nen oe agot weak hagariogei meke korogo waganiluk tilinabigin o, iluk etaga Yesus thalino” iluk yogokhikhe.

Matius 10:6

Hit nen, akhuni Israel meke domba nalagarek hal nalageikhasik werek iti inobake 'birisilik lano o.

Matius 15:24

Itithogon yogokhukhama, at Yesus nen, men yogeisasikhe, “Allah nen, It ap Israel meke inebe re, domba nalageikharek iti hak werek iti nen, it anek 'birisa lan, iluk la'ani agama o,” iluk yogeisasikhe.

Matius 18:10

Itithogon yogeisasikhesik ageikhe men yogeisasikhe, “It malaikat Allah nen pogot oba nen yoko usa'isa agarek meke nen yekerugi yi hakene therisik dogolik nopase il oba motok welageikharek iti nen, yekerugi iti hinakla meanetdisugup o. [

Matius 18:11

An abat itaklasi agagi etnogo akhuni nuk ariogei meke iti herago tilinabigiluk wagagi o.]

Lukas 15:32

Meke re, hat hagot yi watlaga apogo meke iluk atluk waga o. Nalaga meke herakhogo o, iti nen, ninakla arleken akhekhe dogolik, hagasusak mekeat hagakhe lago, iluk yogokhikhe,” iluk Yesus nen yogeisasikhe.

Lukas 15:8

Itithogon yogeisasikhesik nen, wene ageikhe men yogeisasikhe. “He ageikhe uang sen meke ebe 10 hago werekma opakiat ageikhe nalaga halok he, here'isigidek isagal yibatdiluk, umake amumuleke motok ula'iluk karelhe dogolik, arat herakhekherek etnogo dek?

Yohanes 3:17

Nen, an Allah a'but agat oba yoma la'ani ageikhe iti, yi akhuni ti akhuni wene inoba 'biluk weagarinabuagaluk la'ani ageikhe 'buk. Meke re, inebe tilinabuagaluk la'ani ageikhe o.

Roma 5:6

Nit Allah ebe thogotdiluk walegat asi lagagusik, ninebe erlok dek werekma, at Allah nen, “It itithogon werek iti hasik, Kristus itinem watlasuak,” iluk apasikhe bagaat ebe wakhukhama ninobolukmo watlageikhe iti.

Ibrani 7:25

Itithogon iluk motok dogolik, nit akhuni ninobasik Allah ayoko 'bisi motok welagarek iti nen he, nit akhuni Allah werekma ukuogoluk at oba haklarik ukisinem erlok tilninabiluk nen 'bogokhogon motok hano hagatninabigin iti.