Lukas 18:9 - ALLAH ANE WENW KET MEKE WAROGO WOKNINAKHIKHE WENE

⁹ Itithogon yogeisasikhemo, it akhuni aperek emenogo inakla nen, men apekhe lagoukha, “It akhuni tha'bokhogonat yoma erlok dek negen mekeat he, nit yi anek he, ninebe kok dogolik mothogon hagakhe lago,” iluk apekhe lagoukhama re, at Yesus nen wene oba lisogon men yogeisasikhe,

Lukas 18:9 Iomraidhean Croise

Lukas 10:29

at ap etnogo akla nen, “Yesus nen, Ap iti hano hagakherek meke, iluk apoak,” iluk men yogokhikhe, “Akhuni ninom welagorek meke netaiken hunik dogosak iti, inebe thani?” iluk itithogon yogokhikhemo,

Lukas 15:2

Itithogon wagoukha meke re, it ap Farisi meke men, it ap Allah ane holal waganek iteerek meke men, inileken 'birisalok inane kurlu-kurlu ekhe dogolik, men isukha, “Ap yi nen akhuni weak hagariogei meke woginakherethek hipiri inom opakimo nekharek iti, nayuk e!” iluk isukhama nen,

Lukas 16:15

Itithogon at obato agoukhama, at Yesus nen it yogeisekhe dogolik, “An mot hagakhe lagei, iluk akhuni inil oba hinobabut mot meke hakene hagakhe lagap. Mekeat he, Allah nen hinetaiken motok ilu o. Yi meke ti meke it akhuni nen hano iluk kogotdegarek meke iti nen, at Allah motok a'it o.

Lukas 18:11

Ipisak uki lagoukhasik nen, ap Farisi meke etnogo asokne hekhogon melasi lageikhesik sembayan ekhe dogolik, men isikhe, Allah nopase o! An nobabut akhuni tha'bokhogonat inobabut hakene dek o. It akhuni yugunat iniki abusak waganharek meke men, korlo hagakharek meke men, humi param hagarinabiogei meke men, ap pemerintah hasik uang kino iluk natogokharek meke yi men, inobabut iti hakene, an itithogon motok dek nogo nen he, heagei wathakhe lagei o.

Lukas 19:7

Yesus ipisak lagunem, it akhuni tha'bokhogonat nen inileken lageisalok, ua palogo inane kurlu-kurlu inabok palhe dogolik, men isukha, “Yesus nen, ap weak hagariogo meke etnogo aila ipisak noge i luogoluk liliogei iti nayuk o!” iluk isukhama mekeat,

Lukas 7:39

Itithogon hagakhunem, ap Farisi meke nen, Yesus ipisak hipiri nuogoluk ayoko 'bisikhe meke etnogo akla nen men apasikhe, “Ap yi Allah ane yogeisekherek meke dogolepma re, He yi weak hagakherek meke nen iki hakneekhe, iluk ekagat hutdilep o,” iluk itithogon akla apasinem,

Yohanes 8:48

At Yesus ne wene itithogon yogeisasikhemo, it ap Yahudi meke emenogo nen he, men isukha, “Hat hebe ap Samaria meke yi re! Mokat obabut weak meke hakla ukekhesik werek o, iluk ekhe lago etnogo eberogonat yokhekhe lago higi,” iluk yogokhe lagoukhama,

Yohanes 9:28

it nen inane sagun yogokhe dogolik, “Hat at agot agatik ekhe lagan higi. Nit he, ap Musa agarumi welago o.

Yohanes 9:34

it nen he, men yogokhukha, “Hat hobabut weagat itaklagagitik, weak motok hagakhetek mekeat, hat nen wene nit yakulnisausak a? Motok erlok dek o,” iluk yogokhukhasik nen, o sembayan egarekma nen iki korlo lisogo leget itikmanke ula'isukha.

La'isasikhe 22:21

Itithogon yogokhunem, ninoe Etagapogot nen, It akhuni itikmanke meke walegat etoma inoba la'agagin iti nen, lan o, iluk yoknikhikhe,” iluk yogeisasikhe.

Roma 10:3

It he, Allah nen wene inoba meke korogo wokhalok yabokane inapuke inom hunobo 'bisoagaluk, at apma ukiluk dogolik hagasusak meke inokodek nen hagakhidek welagoukha. Inekaerek inakla nen apalok inobatnerogon hagakhe lagoukha iti.

Roma 14:10

Nagarlak lak nerugi. Nit ninebe tha'bokhogonat Allah nen ninitema waganiginmo lugun mekeat, hit hinagarlak lak hinerugi hinom hinetaiken Allah baga hakotdekhe lagap meke iti, nenaluk wene inoba 'bigik, hinakla meanetdisigik, hagakhe lagap?

Roma 14:3

It yugunat nekarek meke iti inebe Allah nenat woginakhemo. Halok he, it nekarek dek meke iti inakla nen, “It weak o,” iluk wene inoba 'busak dek. Nen, it nekarek meke iti nen, it nekarek dek meke iti inakla erlok degetdisausak degat o.

Roma 7:9

An alep he, wene Allah nen ninasuk wakhikhe wene iti nokodek dogolik, niluk hano welagei thalek welagagi. Meke re, wene ninasuk wakhikhe wene etnogo nilu agagisik oba nen, weak hagakharek iti meke obatne ageikhemo,