Lukas 18:4 - ALLAH ANE WENW KET MEKE WAROGO WOKNINAKHIKHE WENE

⁴ Itithogon yogosi agunem, ap kok etnogo nen alebageik ane holhidek a'it hekhe lageikhe mekeat, yabokane akla ebekhe dogolik, An nobabut, Allah nayuk degat dogolik, akhuni agugurogo nakmurinakhidek mekeat,

Lukas 18:4 Iomraidhean Croise

Lukas 12:17

at ap etnogo akla nen, Ai yakhi meke ebe eken doalegat ikhe iti, ebe palogo 'biginmo oboluk dekma, nikithogon hagasigin, iluk akla ebekhe lageikhe.

Lukas 16:3

Itithogon yogokhikhemo, at atuaneke etnogo akla nen he, Noe nen, An naila dogolik nameke hago dogosak dek. Ula'agagin, ekhe iti, an nikithogon hagasigin. Ula'anhe halok, an wen waganhe dogosak iti re, an niki obatne erlok dek. Nen, nape kino weak yogeisilik nekhe dogosak iti, an nekarli.

Lukas 18:2

“O ukul ageikhe, ap kok meke wene inoba 'bigik, kokhik, hagakherek meke ageikhe Allah ayuk degat dogolik akhuni agugurogo akmurinakhidegat welageikhe.

Lukas 18:3

Itithogon werekma, he thoge meke ageikhe o ukul itila welageikheat. Dogolik, at he iti hibiku-yogoku ap etnogo oba motok waga dogolik nen, men yogokhe lageikhe, Ap ageikhe an nipisak weak meke hat nen nirlirli woknabinok nen wagei o, iluk yogosi aga lageikhe.

Lukas 20:13

Itithogon motok hagarinakhukhama nen, at kok wen iteerek meke etnogo akla nen, Yabokane nikithogon hagasik he. An nekaerek na'but netaiken hunik meke yiat inoba la'umo re, ebe alon halogo heagei warogo waganugun apigi, iluk akla apasikhesik la'i ageikhe.

Ibrani 12:9

Nen, nit ninopase lak ninebe itakninakhukha meke nen ninasuk wakhunem, inane hologo inalon halogo hagakhorek iti hak, niniluk dogoagaluk ninopase nen ninobabut ket itakninabiogo meke ane hologo hagasusak dek nogo? At ane holek dogosagat o.