Lukas 18:32 - ALLAH ANE WENW KET MEKE WAROGO WOKNINAKHIKHE WENE

³² Nebe nasuagaluk, yoko lalok it akhuni itikmanke meke iniki baga 'banugun o. 'Banumo, inane aik dagok yoknikhik, wosi 'banhik,

Lukas 18:32 Iomraidhean Croise

Matius 16:21

Hurli iti hurli nen, at Yesus nen agarumi ane waganhe lagoukha meke emenogo at yabokane hagasigin meke pakhogon men yogeisasikhe, “An o Yerusalem eloma lausak welagei o. Laumo it ap inarluetek emenogo men, Allah iteerek meke inougi koktek men, Allah ane holal waganek iteerek meke men, inom nen, yi aik ti aik doalegat hagatnabiluk nebe nasugun o. Nasumo nen, niki pere nebe warek dogoluk nen, niki ageikhe baga yi nen, Allah nen nilugutnabigin o,” iluk pakhogon yogeisasikhe.

Matius 20:19

Ukum noba 'biluk nen, it ap itikmanke meke nen inane aik dagok yoknikhik, tugi la'bisoko tugi nakhik, hagatluk nen nebe o baga meldaniluk nasuagaluk wogeisagun o. Nen, arat nakhunem, niki pere warek dogoluk nen, niki ageikhe baga yi Allah nen nilugutnabigin o,” iluk yogeisasikhe.

Matius 22:6

it aperek nen, at kok atuaneke la'isasikhe meke emenogo inebe ha'isalok tugi inakhik, inebe motok ka'bukhogon inakhik, hagakhukha.

Matius 26:67

Itithogon yogokhukhasik nen, wosi oba suphogon 'bigik, tugi wakhik, iniki agot tugi tamuk-hamukhogon wakhik, hagakhe dogolik,

Matius 27:2

iki herle warogo at Pilatus ebe gubernur kok werekma oba wolok wagoukhasik nen, wogokhukha.

Markus 14:65

Itithogon yogokhukhasik it ap emenogo aperek nen wosi suphogon Yesus oba 'biluk iniki nen ileken labetdiluk, iniki dikilik wakhe dogolik, “Tha nen hake nogo. Yoknisan ta,” iluk yogokhe lagoukhama, it ap koktek emenogo inagarumi Allah ai halek therogo welageikharek meke nen ebe hakhasukhasik tugi iniki agot tugi tamuk-hamukhogon wakhukhaat.

Markus 15:1

Itithogon hagakhe lagoukhasik, o wi ageikhemo nen, ap wene Allah hasik erlo pilinekharek meke inebe tha'bokhogonat, it ap Allah iteerek meke inougi koktek emenogo men, inarluetek emenogo men, Allah ane holal waganek iteerek meke emenogo men, hetnake inomat nen, “Itithogon hagasuok,” iluk isukhasik nen, Yesus iki herle warogo Pilatus wogosi agoukha.

Lukas 18:33

la'bisoko tugi nakhik, hagatluk nebe motok nasugun o. Nasugun mekeat he, niki pere warek dogoluk nen, niki ageikhe baga yi nen, niluk asigin o,” iluk,

Lukas 23:1

Wene itithogon isukhasik, inebe welagoukha meke emenogo tha'bokhogonat melagoukhasik nen, Yesus Pilatus oba wolok wagoukha.

Lukas 23:11

'Bekhe lagoukhama, at Herodes agarumi tentara meke inom nen, Yesus ebe inakla nen meanetdiluk, inane sagun doalegat yogokhe lagoukhasik nen, su motok hano ap koktek ikharek meke ageikhe i'biluk, apuke Pilatus oba la'isikhe.

Lukas 23:35

It akhuni emenogo eta metek dogolik inileken 'birogo werek korlek, it ap Yahudi meke inougi koktek emenogo inagouak sikin ilik, Yesus inane sagun yogokhe dogolik, men isukha, “At yi Allah nen Kristus meldiluk la'isigin isikhe etnogo ebe arat halok he, it akhuni erlok tilinakhe laga etnogo hak, ekaerek nen itithogon tilanek he,” iluk isukha.

Yohanes 18:22

ap Allah ai halek therogo welageikharek emenogo meke ageikhe ebe eta metek dogolik, at Yesus iki agot tugi wakhe dogolik men yogokhikhe, “Ap Allah iteerek meke inoe kok yi nen yokhugunem, hat nen wene itithogon yogosusak a? Erlok dek o.” iluk yogokhe lageikhemo,

Yohanes 18:28

Itithogon hagatluk, thue ane isikhemo, huben siakhogonat at Yesus ap Kayafas werekma nen, gubernur ai o kok halekma wolok wagoukha. Wolok wagoukhasik, Yesus anek uma kola'isukhasik, “Nit pesta Paskah etnogo meke neke dogosakma, nit nen ninabusagat ukumo, nit weagarogo 'binanunogo,” iluk , o kok halek gubernur aila etoma ukigidek, o silimo huk agoukha.

Yohanes 18:30

it nen, men yogokhukha, “At weak hagakhidek dogolepma re, hat hoba wolok wetlo degat o,” iluk yogokhukha,

Yohanes 18:32

Inane itithogon yogokhukha iti, at Yesus nen wene haganeat yogeisekhe dogolik, “An itithogon hagatnabiluk nasugun o,” iluk ekhe lageikhe meke etnogo, it itithogon hagakhukhama, at ane tak-tagat ageikhe iti.

Yohanes 18:35

at Pilatus nen, men yogokhikhe, “Nikithogon. An nebe ap Yahudi meke nen yoknekhen a? It ap hekaerek hougi hagarumi men, ap Allah iteerek inougi koktek men, inom nen, hat hebe an woknehkha iti hat nikithogon hagakhenma,” iluk yogokhikhemo,

La'isasikhe 2:23

Meke re, at Allah ilu dogolik, akla nen, Itithogon hagasuak o, iluk akla apasikhe bagaat, Yesus ebe hinikimo 'bisikhemo, hit nen ap inobabut weak meke iniki waganogo, at ebe o baga menogo 'biluk wakhepma iti.

La'isasikhe 3:13

Ninopase Allah iti, Abraham nen hogorakhik, Ishak nen hogorakhik, Yakub nen hogorakhik, ninopa lak aperek nen hogorakhik, hagakhe lagoukha meke etnogo nenat, a'but Yesus kogotdekhe iti. Meke re, hit nen, it aperek nen wasuagaluk inikimo 'begepma re, at Pilatus nen iki herle hisalogo ula'igiluk hagakhe mekeat he, hit nen, Ap iti nina'it o, iluk egep etnogo.