Lukas 18:21 - ALLAH ANE WENW KET MEKE WAROGO WOKNINAKHIKHE WENE

²¹ at ap etnogo nen, men yogokhikhe, “Wene yoknekhen iti tha'bokhogonat, an nebe yekerek oba nenat nasuk hologo mothogon hagakherek mekeat o,” iluk yogokhikhemo,

Lukas 18:21 Iomraidhean Croise

Lukas 15:29

Yogokhikhemo a'but etnogo nen opase yogokhe dogolik, men isikhe, Hasuk holin. An he, yi tahun ti tahun hat hobasik hayabu motok kogat hagakherek o. Itithogon hagakhe dogolik, hat nen, Yigithogon hagatno, tigithogon hagatno, iluk yoknekhetek meke etnogo ageikhe na'it igidegat hagakherek meke re, sapi eak opakiat ageikhe an nagarlak lak ninom ninakla arleken akhekhe dogolik isago noagaluk woknikhidegat.

Lukas 15:7

Iti hak, akhuni inebe 99 meke iti nen, An weak ageikhe hagakhi etnogo nen, nobabut hebelasigin nogo? Dek o, iluk inobabut hebelasusak dek nen, it pogot oba welageikharek meke iti inakla arleken akhagun dek o. Meke re, it akhuni weak hagakharek meke opakiat ageikhe nen obabut hebelhe halok, it pogot oba welageikharek meke iti inakla arleken kogat akhagun o, iluk yokhisigi,” iluk yogeisasikhe.

Lukas 18:20

Wene Allah nen, Yigithogon hagatno, tigithogon hagatno, iluk ninasuk wakhe dogolik, men isikhemo werek, Param hagasusak dek o. Akhuni inasusak dek o. Hiniki abusak waganusak dek o. Hinekalat inabok palusak dek o. Hinagosa hinopase inalon halinakhe dogosak o, iluk ninasuk wakhikhe etnogo hat hiluat o,” iluk yogokhikhemo,

Lukas 18:22

at Yesus asuk holhikhesik, men yogokhikhe, “Wene opakiat anek ageikhe hagasusak meke re, hagakhidek welagan o. Hat hameke etoma tha'bokhogon it ageikhe inoba oko pali lano. Paliluk oko wokhesugun meke uang iti it akhuni inameke dek inerlageik meke iti motok supurisa lan o. Itithogon arat hagakhen halok he, hat pogot oba meke kogat iteerek asigin o. Halok he, itithogon arat supurogo wogeisalok nen, an noporlik nekhe dogonok nen wetno,” iluk yogokhikhemo,

Filipi 3:6

Allah hasik akilukhogon hagakharek meke iti, an itithogonat hano hagakhe lagei thalek, Allah a'buri inetaiken Yesus oba hakotdisukha meke yi aik ti aik hagarinabik nekhe lagagi iti o. Itithogon hagakhe dogolik, wene Allah nen ninasuk wakhikhe wene etnogo mothogon hagakharek iti, an motok mothogonat hagakhunem, akhuni aperek nen wene noba 'busak degat karelek motok welagagi.