Lukas 18:16 - ALLAH ANE WENW KET MEKE WAROGO WOKNINAKHIKHE WENE

¹⁶ Itithogon wenageisasukha mekeat, at Yesus nen yekerugi 'bugurlaktek emenogo wisuagaluk waisasikhemo waga korlek, at ane waganhe lagoukha meke emenogo men yogeisasikhe, “Akhuni inobabut it yekerugi ithi inobabut iti hakene hagatlasugun halok he, Allah nen apma 'bisekherekma etoma iteerek asugun iti nen, yekerugi 'bugurlaktek ethoma an noba wetnek. Wene palhe 'buk o.

Lukas 18:16 Iomraidhean Croise

Matius 19:14

Wenageisasukha mekeat he, at Yesus nen, “Akhuni yekerugi yi hakene hagatlasugun halok, nopase kok pogot oba meke nen apma 'bisekherekma etoma iteerek asugun iti nen, it yekerugi 'bugurlaktek ethoma an noba wetnek. Wene palhek 'buk o,” iluk yogeisasikhe.

Lukas 18:15

At Yesus nen itithogon yogeisasikhesik werekma, yabokane akhuni nen ina'buri yekerugi 'bugurlaktek meke Yesus nen iki hageinabuagaluk, oba wogosik wagoukha. Itithogon wogosik wagunem, at Yesus agarumi ane waganhe lagoukha meke emenogo nen inileken hisalok nen wenageisasukha.

Lukas 18:17

Tha nen, yekerugi 'bugurlaktek meke Allah nen apma 'bisekherek wene waganiluk ukegarek iti hak ukigidek halok he, ukigin motok dek o, iluk eberogonat yokhisigi,” iluk yogeisasikhe.

La'isasikhe 2:39

At Allah nen itithogon wokhisagein iluk wene watnisasikhe iti, hit hinebe men, hina'buri men, it aperek inai walegat meke etoma men, hinebe ninopase Etagapogot Allah nen, Witni o, iluk wahisiliogo meke, tha'bokhogonat inobasik wene hit hinoba wathisasikhe,” iluk yogeisasikhe.

1 Korintus 14:20

Nagarlak lak nerugi. Wene hinakla ebekhe lagap iti, yekerugi inakla ebekharek hak ebekhe dogogup. Keritago meke nen weak hagakho inokodek welageikharek hak dogolik, hinetaiken inarlue inetaiken hakene horlerogon dogono.

1 Korintus 7:14

At he Allah a'but meke nen, agun etaiken Kristus oba hakotdigidek meke, waganek ipisak hano dapukhogon welageikharek iti baga, age nen agun ebe Allah hasik 'bisiliogo. Nen, iti hak at ap Allah a'but meke nen, age etaiken Kristus oba hakotdigidek meke waganek ipisak hano dapukhogon welageikharek iti baga, agun nen age ebe Allah hasik 'bisiliogoat. Itithogon inebe Allah hasik 'bisigidek dogolepma re, hina'buri inebe Allah mekeat, itikmanke meke dogolep o.

1 Petrus 2:2

Yi meke ti meke ituk walhalok, hano egarek iti hak, ninoe Etagapogot obabut hano hegep iti nen, elege ket itago meke irlak abu nen nasi motok welageikharek iti hak, wene hano wene hinetaiken iti baga horle asumo hanothinabuagaluk, wene itiat hit warlokhogon waganho motok dogono o.