Lukas 18:1 - ALLAH ANE WENW KET MEKE WAROGO WOKNINAKHIKHE WENE

¹ Itithogon yogeisasikhesik nen, at Yesus agarumi ane waganhe lagoukha meke emenogo sembayan ekhe dogoluk nen inakla puk atluk here'igidek, hunik-hunigat ekhe dogoagaluk, wene ageikhe oba lisogon men yogeisasikhe,

Lukas 18:1 Iomraidhean Croise

Lukas 21:36

Yigithogon tigithogon tha'bokhognat hagatlasigin igi etnogo hagatlaga korlek, hinobatnerogon hinakla puk dogoluk, hinekarli degat nelokhoma metek werekma, an abat itaklasi agagi etnogo 'bithisasik nen hibiku-yogoku sembayanat ekhe dogolik, hinobabut hebelogo dogono o,” iluk yogeisasikhe.

Roma 12:12

Hit nen, “Yabokane at Allah nen hano hagasigin werek o,” iluk, hinakla arleken akhalok, yi aik ti aik hekhe dogolik, hinobakhanini hapugutdiluk sembayan thogotdigidek isi motok dogono o.

2 Korintus 4:1

At Allah ninebe akmu nen, at hasik yigithogon hagakhe dogoagaluk ninayoko 'bisikhe iti nen, ninakla puk atluk here'isigidek hagakhoat welago.

Galatia 6:9

Halok he, ninobatne dek ageidek hano meke hagakhe dogogun halok he, yi meke ti meke ya'iluk morat asi lagunem, ebe palharek hak, yabokane ilugun oba ebe hano meke horlagun iti nen, nina'it ageidegat hagakhe dogouok o.

Efesus 6:18

Itithogon tha'bokhogonat hagakhe dogolik, Allah nen yomakhisoagaluk sembayan ekhe dogono. At Agoreke hinakla dogolik hinakla kagaligin hagat, hibiku-yogoku sembayan Allah ayoko 'bigik, kino yogokhik, isi motogat dogono. Itithogon ekhe dogolik, hinakla puk ageidek, hinobabut hebelek motok dogono. Itithogon dogolik, Allah a'buri tha'bokhogonat inobasik sembayan Allah ayoko 'bekhe dogonoat o.

Filipi 4:6

Yi meke ti meke hasik wene munini uan 'bero ebekhidek, tha'bokhogonat hasik Allah ayoko 'bekhe dogolik heagei warogo kino yogokhe dogono.

Kolose 4:12

At Epafras, Kristus Yesus atuaneke, ebe hit mekeat etnogo nen, heagei wathinakheat o. At nen he, hit hinakla nen, “Allah ane iti eberogonat,” iluk hutdiluk nen, hinetaiken horle atluk hinebe metegat dogolik, yi meke ti meke Allah akla apekherek hak hagakhe dogobageik iluk sembayan hit hinobasik obatnerogonat isi motogat welagarek.

Kolose 4:2

Sembayan Allah heagei wakhe dogoligat, hina'it ageidek hunik-hunigat ekhe dogolik, hinobabut hebelogo dogono.

1 Tesalonika 5:17

Sembayan hunik-hunik isi motok dogono.