Lukas 17:30 - ALLAH ANE WENW KET MEKE WAROGO WOKNINAKHIKHE WENE

³⁰ Iti hakene re, an abat itaklasi agagi etnogo yabokane thelekmaat wisigin itinem he, itithogonat hagatlasigin o.

Lukas 17:30 Iomraidhean Croise

Matius 16:27

An abat itaklasi agagi etnogo re, yabokane nopase hogorakho motok welageikharek iti hagat, hagalatluk, it malaikat Allah nen pogot oba nen yoko usa'isa agarek meke emenogo ninom witluk nen, itinem, akhuni tha'bokhogonat inobabut dopok hagakharek meke tak-tagat oko wogeisasigin o.

Matius 24:3

Itithogon yogeisalok, tom Zaitun ukul oba dageisikhesik hurek werekma, at ane waganhe lagoukha meke emenogo oba wagoukhasik inarligat dogolik, men yogokhukha, “Hat nen yoknisegen etnogo, mera nen hagatlasigin? Hat hebe wageik, o ilugun oba hagatlageik, arat hagatlasigiluk hagakhe korlek, nena meke tak hagatlagunem nit ninetaiken eketlasugun. Wene hutukhogon yoknisan,” iluk yogokhukhama,

Matius 24:37

It akhuni ap Nuh werek oba eta hagakhe lagoukha tak-tagat, an abat itaklasi agagi etnogo yabokane itithogonat hagakhunem wisigin o.

Matius 24:39

Ku akla ukiluk werek korlek, it akhuni emenogo inokodegat werekma, i arat thaluk-paluk dageikhe dogolik motok hotnokhogon inakhikhe. Iti hak he, an abat itaklasi agagi etnogo yabokane wisigin tak-tagat he, itithogonat hagatlasigin o.

Matius 26:64

at Yesus nen, “Hat nen egen itiat o. Meke re, an ageikhe yokhisak. Hurli yogotak nen, an abat itaklasi agagi etnogo, at Allah obatne horleak yi meke ti meke hagasusak anek etnogo nipisak alilu iki ebeke kogat hurek dogoluk nen, yabokane pogot oba etoma nen oisa aklake usa'agunem hinileken neagun o, iluk yokhisigi,” iluk yogokhikhemo,

Markus 13:26

Itinem an abat itaklasi agagi etnogo nobatnerogonat oisa akla usa'agunem, akhuni inileken nealok, motok hogotnabugun o.

Lukas 17:24

An abat itaklasi agagi etnogo wisigin he, o yabok yibathekhe dogolik pogot erloke erloke eloma motok lia arik lagarek iti hak, wisigin o.

Lukas 17:29

ap Lot etnogo o Sodom here'isalok dukhi lageikhemo, Allah pogot oba nen miso hetu meke men, belerang hotali hakene obasi weak meke men, usa'i ageikhemo, it akhuni emenogo inebe tha'bokhogonat inakhikhe.

Lukas 21:27

Itinem an abat itaklasi agagi etnogo nobatnerogon oisa akla usa'agunem, inileken nealok motok hogotnabugun o.

1 Korintus 1:7

Hinetaiken itithogon horletdiluk, ninoe Etagapogot Yesus Kristus thelekmaat wisigin iluk, therogo dogolik Allah nen woknisekherek meke iti, ageikhe aban waganhidek welagap 'buk. Tha'bokhogonat waganhigisip welagap o.

1 Korintus 1:8

Yabokane ilugun oba ninoe Etagapogot Yesus Kristus wisigin itinem, hit weak werekma 'bithisa wisunogo iluk, at Kristus nenat hinetaiken horlethinakhe dogogin o.

Kolose 3:4

Ebekho werekma, at Kristus ninebe yabokane niniluk motok dogoagaluk hagatninakherek meke etnogo thelegat wagunem, hit at hinomat thelekma atlukmo hogothinabugun iti o.

1 Petrus 1:13

Iti nen, wene iti hutdiluk nen, holak pirlirli luogoluk inobakha herle a'bethogon wakharek iti hak, hinobabut hebelogo, hinetaiken ekerlogo dogono. Itithogon dogolik, hinakla nen, “Allah nen Yesus Kristus ebe thelekmaat la'i agunem hano meke woknisasigin o,” iluk hinetaiken at oba la'iluk oba eberek motok dogono o.

1 Petrus 1:7

Emas oko kogat palharek meke iti hano a? Weak a, iluk hetu aik oba walhegarek iti hak, Allah nen, “It inetaiken an noba eberogonat hakotdiluk werek a? Dek a,” iluk, ekagat asuagaluk apasinem, hinoba yi akin-pakinhogo hekhe lagap iti o. Emas iti, we yugunat dek asigin mekeat he, ebe wene kok he, hinetaiken Allah oba hakotdiluk welagap itiat o. Hit hinetaiken at oba hakotdiluk dogogun halok he, at nen hinobabut palhe dogoluk nen, Yesus Kristus thelekmaat la'isigin itinem, hogothinakhik, hinalonethinakhik, kogotdinagagik, hagasigin o.

1 Petrus 4:13

At Allah nen Kristus ebe thelekmaat la'i agunem, hogorasugun itinem, hinakla arleken akhauwogoluk, hinakla nen, “At Kristus oba yi aik ti aik hilik hilik watlageikhe hak, nit at ninom hunik dogolik itithogonat hekhe lago,” iluk hinakla arleken akhekhe dogono.

1 Yohanes 2:28

Na'buri o. Kristus wisigin itinem ebe wagunem, nit ninekarli ageidek, ninayuk degat, at elokhoma apma ukuok nen, hit at hinom hunik motok dogono o.

1 Yohanes 3:2

Nagarlak lak nerugi, nakmu lak o. Yogotak nit ninebe Allah a'buri welago meke re, yabokane ninebe dogogun meke thelekma ageidek aban limago werek o. Itithogonat meke re, nit ninilu re, Yesus ebe yogotak werek meke ninileken hutukhogon hugun iti nen, at wisigin itinem ebe wagunem, nit ninebe at ebe werek iti hagat, hagatlasugun o.

A'bikaka 1:7

Lakhani! At ebe oisa baga wagunem, akhuni tha'bokhogonat inebe dopok men, it at thege karluk wakhukha meke men, inomat nen inileken lakhekhe dogolik, inukuloak etaga tomok tha'bokhogonat de asugun o, iluk yokhisigi iti, “Ebeat asuak o,” u hak, “Amin,” igi iti o.