Lukas 17:26 - ALLAH ANE WENW KET MEKE WAROGO WOKNINAKHIKHE WENE

²⁶ It akhuni haganeat ap Nuh werek oba eta hagakhe lagoukha tak-tagat, an abat itaklasi agagi etnogo yabokane itithogon hagakhunem wisigin o.

Lukas 17:26 Iomraidhean Croise

Lukas 17:22

Itithogon yogeisasikhesik nen, at agarumi ane waganhe lagoukha meke emenogo men yogeisasikhe, “An abat itaklasi agagi etnogo hibiku-yogoku yabokane ninom motok dogogun meke re, aban werek korlek, hit hinakla nen, Niniki opaki hasik ninileken helo e, iluk itithogon apagun mekeat he, hinileken niigidek dogogun oba weregat o.

Lukas 17:24

An abat itaklasi agagi etnogo wisigin he, o yabok yibathekhe dogolik pogot erloke erloke eloma motok lia arik lagarek iti hak, wisigin o.

Lukas 17:27

Nuh werek korlek, it akhuni etoma inapiri nikik, eken apusu nikik, ap nen humi woginakhik, it aperek igisigik, hagakho werekma, ap Nuh etnogo ku akla ukisikhemo, i thaluk-thaluk waga dogolik, it akhuni emenogo tha'bokhogonat i nen hotnokhogon inakhikhe.

Lukas 17:7

Itithogon yogeisasikhesik nen, yabokane wene ageikhe inom men yogeisasikhe, “Hit aperek hinatuaneke meke hinayabu waganhe dogoluk a? Hinadomba hago dogoluk a, aban uki aga korlegat, Hapiri ibat na me o, iluk yogosusak apegep? Dek o.

Lukas 18:8

Dek o. Ibarat inirlirli woginabigin o, iluk eberogonat yokhisigi. Itithogon hagarinabigin mekeat he, an abat itaklasi agagi etnogo yabokane witluk nen, akhuni agat oba meke yoma aperek inetaiken noba hakotdiluk werekma hisa isigin a? Dek a,” iluk yogeisasikhe.

Ibrani 11:7

At ap Nuh meneke, etaiken Allah oba hakotdiluk, yi wene ti wene yabokane hagatlasigin meke Allah nen husupi yogokhikhemo ebe ileken higidek mekeat he, “Eberogonat hagatlasigin meke yoknekhe higi,” iluk Allah ane holek dogolik, ku ageikhe at a'buri inom tilinabusak meke halhikhe. Itithogon halhikhemo, Allah nen akhuni ukum inoba 'biluk inebe inakhikhe mekeat he, at Nuh arligat anek he, etaiken Allah oba hakotdisikhe iti baga, Allah nen, “At hano,” iluk tilhikhe.

2 Petrus 2:5

Iti tak-tak, akhuni haganeat welagoukha eta oba dogolik, Allah ina'it meke nen inobabut weak hagakhe lagoukhama Allah nen here'isigidek. I thalukhogon inasisuagaluk inoba usa'i ageikhemo inakhe dogolik, Nuh, akhuni inobabut Allah akla warlok meke hagakhe dogoagaluk wene yogeisekhe lageikhe meke inom, inebe 7 baga aperek inom, tilinakhikhe iti.

2 Petrus 3:6

Itithogon walhasikhesik nen, yabokane nen i thaluk-palukhogon hagatlasuagaluk isikhemo, agat iti i iti bagaat weagatdisikhe iti.