Lukas 16:7 - ALLAH ANE WENW KET MEKE WAROGO WOKNINAKHIKHE WENE

⁷ ap ageikhe at oporlik wagunem yogokhe dogolik, Hat he, nomat merek hoba palek werek, iluk yogokhikhemo at ap etnogo nen, men yogokhikhe, Gandum eken palek su kok meke ebe 1.000 oba ukharlek meke nomat noba palek werek o, iluk yogokhikhemo at nen, Nomat hoba palek iti hasik, holal waganek yi waganiluk, yabokane holal ket meke ageikhe waganhe dogolik, 800 oba nomat noba palek werek, iluk holal waganin o, iluk yogokhikhe.

Lukas 16:7 Iomraidhean Croise

Matius 18:28

Itithogon la'isikhemo, at atuaneke etnogo olilu dukhisikhe hak, at agarlak ap kok etnogo atuaneke ageikhe, at ap dukhisikhe etnogo auang 1.000 meke herlekha'bugat wogokhikhe meke oba palegeke werekma ipisak abuk agoukha. Abuk agoukhasik ebe hakhasikhesik arlokop ade pethelogo hago dogolik, Nameke hoba palegeke werek etnogo oko woknom, iluk yogokhikhemo

Lukas 16:6

at ap etnogo nen, Minyak goreng apusu isoak kok meke ebe 100 oba henago nomat noba palek werek o, iluk yogokhikhemo at nen men yogokhikhe, Nomat hoba palek iti hasik he, holal waganek yi waganiluk nen, yabokane holal ket meke ageikhe waganhe dogolik, 50 oba henago meke nomat noba palek werek, iluk holal ibat waganin o, iluk itihtogon yogotluk nen,

Lukas 16:8

Itithogon hagakhikhe meke iti, at oe etnogo abok asuk holhikhesik nen, men isikhe, Eiye! Akla motok kagalek iti nayuk e, iluk atuaneke korlo hagakhe lageikhe meke etnogo hogorakhikhe. Itithogon hogorakhikhemo iti, it akhuni agat oba yoma meke inobabut, it meke hagasuogoluk inakla motok kagalek mekeat he, it Allah a'buri inakla lia hagarogo 'bisasikhe meke iti, inobabut it hakene dek iti nen, itithogon isikhe iti.

Lukas 2:37

yabokane thoge ageikhesik nen, at ebe umur 84 tahun motok yaman ageikhesik welageikhe. Dogolik iki ageikhe hipiri nikidek hean negen 'bakhalok Allah ai halekma etoma dikene hibako a'it ageidek sembayan isi motok welageikhe.

Lukas 20:12

Iki pere baga la'isa ageikhe meke itithogon hagakhukha iti nen, yabokane atuaneke meke ageikhe la'i ageikheat. Meke re, at yabokane la'i ageikhe meke iti wageikhemo it nen itithogonat tugi mebulukhogon warogo nen, anggur yagoma nen po ula'isukha.

Lukas 20:9

At Yesus nen itithogon yogeisasikhesik nen, yabokane akhuni emenogo wene ageikhe oba lisogon men yogeisasikhe, “Ap ageikhe wen waganekma anggur ai yakhikhe. Ya'iluk nen it aperek elanma hasik it inaen negen therogo dogoagaluk 'bisalok nen, o werlekma lalok iki ageikhe inomat dogoluk nen wisigiluk lageikhe.