Lukas 16:6 - ALLAH ANE WENW KET MEKE WAROGO WOKNINAKHIKHE WENE

⁶ at ap etnogo nen, Minyak goreng apusu isoak kok meke ebe 100 oba henago nomat noba palek werek o, iluk yogokhikhemo at nen men yogokhikhe, Nomat hoba palek iti hasik he, holal waganek yi waganiluk nen, yabokane holal ket meke ageikhe waganhe dogolik, 50 oba henago meke nomat noba palek werek, iluk holal ibat waganin o, iluk itihtogon yogotluk nen,

Lukas 16:6 Iomraidhean Croise

Matius 20:8

Itithogon inayoko 'bisikhemo lagoukhama, o arat hi ageikhesikmo, ap ayabu iteerek etnogo nen, it ap emenogo yabu waganho korlek therisik welageikhe meke ageikhe men yogokhikhe, Ap yabu waganiogei meke emenogo waisa lan o. Wageikha halok he, it yabokane ukega meke iti tak oko wogeisalok nen, it alebageik ukega meke iti oko yabokane wogeisanok o, iluk yogokhikhe.

Lukas 16:12

Hit nen ap ageikhe ameke mothogon hago welageidek halok he, hit meneke, hinekaerek hinameke meke iti ite dogobageik iluk tha nen wokhisagein apegep.

Lukas 16:5

it akhuni, at oe etnogo ameke nomat inoba palek welageikhe meke emenogo inebe tomok waisasikhemo ageikhe alebageik wageikhe meke yogokhe dogolik, An noe ameke meren nomat hat hoba palek werek nogo, iluk isikhemo,

Lukas 16:7

ap ageikhe at oporlik wagunem yogokhe dogolik, Hat he, nomat merek hoba palek werek, iluk yogokhikhemo at ap etnogo nen, men yogokhikhe, Gandum eken palek su kok meke ebe 1.000 oba ukharlek meke nomat noba palek werek o, iluk yogokhikhemo at nen, Nomat hoba palek iti hasik, holal waganek yi waganiluk, yabokane holal ket meke ageikhe waganhe dogolik, 800 oba nomat noba palek werek, iluk holal waganin o, iluk yogokhikhe.

Lukas 16:9

Iti halok he, an wene ageikhe yokhisak. Hinameke yi meke ti meke agat oba meke, inil damelogo korlo hagakharek meke iti dek aga halok, hinai hano motok dogosak oba wokhinabuagaluk, yogotak ya hinameke iti baga hinagarlak lak hinom ekayorakhe dogono o,” iluk yogeisasikhe.

Yohanes 2:6

It akhuni Yahudi meke nen haganeat etoma nenat hagakhe dogolik, yi meke ti meke men, inoba men, thobalogo anek hagakharek meke hasik isoak helekit meke herlelek koktek meke ebe 6 oba etoma 'bisukhama welageikhe. Isoak koktek dorom hakene iti ebe dopok akla i 100 liter hakene henasusak erlok welageikhe.

Titus 2:10

inameke meke iniki abusak waganhe dogosak dek. Inobabut ekagat hutdisoagaluk, yi meke ti meke hasik hupukhogon mothogon hagakhunem, it akhuni aperek nen Allah tilninakherek meke etnogo abok ekhe dogolik, “At ane yakulnisiliogei iti hano,” iluk, ekhe dogoagaluk, inobabut itithogon hagakhe dogosak o.