Lukas 16:26 - ALLAH ANE WENW KET MEKE WAROGO WOKNINAKHIKHE WENE

²⁶ Nen, ageikhe, akhuni nit werekma yoma nen hat werekma ethoma hoba wageik, nen, hit ethoma nen nit ninoba wageik, hagasinogo iluk turlem ethoma kat weakma waganogo 'bisikhemo werek o, iluk isikhe.

Lukas 16:26 Iomraidhean Croise

Matius 25:46

it akhuni iti yi aik ti aik hekhe dogogun oba motok dogoagaluk la'isagein o. Mekeat he, it Allah ane hologo hagakhe dogogun meke iti iniluk motok dogogunmo etoma 'bisagein o,” iluk yogeisasikhe.

Lukas 12:59

Nen, thagalogo degetdigidek halok he, hiki herle warogo kola'agoumo oko 'bogokhogon motogat wogokhidek halok he, etoma nen herle hisalogo ula'agousak motok degat o, iluk yokhisigi,” iluk yogeisasikhe.

Lukas 16:25

at Abraham nen, men yogokhikhe, Na'but e! Hat hiluk dogolik nen, hano meke anek nikik, waganhik, hagakhe korlek, Lazarus yi anek he, weagat welageikhe meke etnogo hakla ebesin! Nen, yogotak, at Lazarus yi yoma wagasik akla hano agasik werek korlegat, hat anek he, hinet weak warekhe lagan iti.

Lukas 16:27

Itithogon yogokhikhemo, at ap kok ameke doalegat meke etnogo nen, men yogokhikhe, Halok he, nopase! An naila eloma noe nagot inebe 5 baga werek iti, hinet wakharekma yoma wisunogo nen he, at Lazarus ithi husupi yogeisa loagaluk yokhekhe lagei o, nopase, iluk yogokhikhemo nen,

Yohanes 3:36

Halok he, tha nen etaiken Allah a'but oba hakotdiliogo halok, iniluk dogogun meke iti ite agasik werek o. Meke re, tha nen, at a'but iti ane holhidek kolelogo here'isiliogo halok, iniluk motok dogogun meke iti ite asigin dek o. At he, Allah akla aga at oba motok 'biluk dogogin o.

A'bikaka 20:10

Itithogon hali nasi korlek, at helo yeke hakene etnogo inom, at ageikhe nen, “An Allah ane yogeisekhe lagei,” iluk ekalat nukhetdisekherek meke etnogo inom, i laut hetu meke yekelekma hotali al hakene obasi weak meke etaga belerang inom-inom amulok nasi motok welagarekma etoma po wukhogon usa'isekhe. Usa'isekhemo etoma werekma, Iblis etnogo yabokane inoba po wukhogon usa'isekhemo inom etoma dogolik, dikene hibakone hinet wakho motok-motok dogogun hisigi.

A'bikaka 22:11

Yogeisugunem, tha nen, obabut weak anek hagarekhe dogogin apekhe halok he, weak anek hagarekhe dogoak o. Nen, tha nen weak inalilo meke anek hagarekhe dogogin apekhe halok he, iti mekeat hagarekhe dogoak o. Nen, tha nen Allah akla apekherek meke anek hagakhe dogogin apekhe halok he, itiat hagakhe dogoak o. Nen, tha nen ebe Allah hasik 'bisalok dogogin apekhe halok he, ebe Allah hasigat 'bisalok dogoak o,” iluk yoknekhe.